മറഡോണ 27ന് എത്തും; വരവേല്‍ക്കാന്‍ ആരാധകര്‍

കൊച്ചി: യുവതാരങ്ങളില്‍ ശ്രദ്ധേയനായ ടൊവിനോ തോമസ് നായകനാവുന്ന മറഡോണയുടെ റിലീസ് പ്രഖ്യാപിച്ചു. നവാഗതനായ വിഷ്ണു നാരായണന്‍ സംവിധാനം ചെയ്യുന്ന ചിത്രം ജൂലായ് 27ന് തിയേറ്ററുകളിലെത്തും. പുതുമുഖം ശരണ്യാ നായരാണ് ചിത്രത്തിലെ നായിക.

സിനിമയുടെ പേര് സൂചിപ്പിക്കുന്നതു പോലെ ഫുട്‌ബോളിന് പ്രാധാന്യം നല്‍കിയുളെളാരു ചിത്രമായിരിക്കില്ല മറഡോണ എന്നാണ് സൂചന. അങ്കമാലി ഡയറീസിലൂടെ ശ്രദ്ധയനായ ടിറ്റോ വില്‍സണ്‍ ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

ചെമ്പന്‍ വിനോദ് ജോസ്, കിച്ചു ടെല്ലസ്, ലിയോണ ലിഷോയ് തുടങ്ങിയ താരങ്ങളും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്.