പ്രളയത്തില്‍ മുങ്ങിയ കേരളത്തെ കൈ പിടിച്ച് കരകയറ്റിയ മത്സ്യതൊഴിലാളികള്‍ക്ക് ആദരമര്‍പ്പിച്ച് സംഗീത ആര്‍ബം. അമൃതം മലയാളം എന്ന് പേരിട്ടിരിക്കുന്ന ആല്‍ബം പ്രളയ ദുരിതാശ്വാസത്തില്‍ മുന്‍ നിരയില്‍ തന്നെയുണ്ടായിരുന്ന ചലച്ചിത്ര താരം ടൊവിനോ തോമസാണ് റിലീസ് ചെയ്തത്.
വിസ് മൂവീസിന്റെ ബാനറില്‍ നിഷ മാത്യവും രംഗനാഥ് രവിയും ചേര്‍ന്നാണ് നിര്‍മ്മാണം. ഷംസുദ്ദീന്‍ കുട്ടോത്തിന്റെ വരികള്‍ക്ക് ഈണം നല്‍കിയിരിക്കുന്നത് ശങ്കര്‍ ശര്‍മ്മയാണ്. അനുരാജ് മനോഹറാണ് സംവിധാനം.
പ്രശസ്ത പിന്നണി ഗായകരായ സിതാര കൃഷ്ണകുമാര്‍, ഹരിശങ്കര്‍ കെ എസ്, സയനോര ഫിലിപ്, സൂരജ് സന്തോഷ്, ശങ്കര്‍ ശര്‍മ്മ എന്നിവരോടൊപ്പം സംഗീതസംവിധായകന്‍ ബിജിപാലിന്റെ മകള്‍ ദയ ബിജിപാലും ചേര്‍ന്നാണ് ഗാനം ആലപിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
