തിരുവനന്തപുരം : അമ്മയില്‍ നിന്നും രാജിവെച്ച നടിമാര്‍ക്ക് പിന്തുണയുമായി അമ്മയുടെ മുന്‍ ജനറല്‍ സെക്രട്ടറി ടി പി മാധവന്‍. നടിമാരുടെ നടപടി ധീരമാണ്. കുറ്റാരോപിതനായ ദിലീപിനെ സംഘടനയിലേക്ക് തിരിച്ചെടുത്തത് ശരിയായില്ലെന്നും അമ്മയുടെ സ്ഥാപക ജനറല്‍ സെക്രട്ടറിയായ ടിപി മാധവന്‍ പറഞ്ഞു.
സംഘടന വിടാന്‍ നാലുപെണ്‍കുട്ടികള്‍ കാണിച്ച തന്റേടം അഭിനന്ദനീയമാണ്. ദിലീപിനെതിരെ കേസ് ഇപ്പോഴും നിലവിലുണ്ട്, ഈ സാഹചര്യത്തില്‍ തിരിച്ചെടുത്തത് ശരിയായില്ല.
അമ്മയില്‍ നിന്ന് ചിലര്‍ വിളിക്കാറുണ്ട്. ഇപ്പോഴും 5000 രൂപ പെന്‍ഷന്‍ ലഭിക്കാറുമുണ്ടെന്ന് ടിപി മാധവന്‍ വ്യക്തമാക്കി. മമ്മൂട്ടിക്കും മോഹന്‍ലാലിനുമൊപ്പം ഒരുകാലത്ത് സിനിമയില്‍ സജീവമായിരുന്ന ടിപി മാധവന്‍ ഇപ്പോള്‍ പത്തനാപുരം ഗാന്ധിഭവനിലാണ് കഴിയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
