ലെഹങ്കയിൽ തിളങ്ങി തമന്ന; രാജകുമാരിയെന്ന് ആരാധകർ, ചിത്രങ്ങൾ കാണാം

ട്രഡീഷനൽ, മോഡേൺ ലുക്കുകളിൽ ഒരുപോലെ തിളങ്ങാൻ കഴിയുന്ന താരസുന്ദരിയാണ് തമന്ന. ഇപ്പോഴിതാ സ്റ്റൈലിഷ് ലെഹം​ഗയിൽ തിളങ്ങിയിരിക്കുകയാണ്. സുഹൃത്ത് റൈസ തേലിയയുടെ വിവാഹത്തിൽ പങ്കെടുക്കാനെത്തിയപ്പോഴാണ് താരം ട്രഡീഷനൽ ഔട്ട്ഫിറ്റിൽ തിളങ്ങിയത്. 

ആശിഷ് റാവു ഡിസൈൻ ചെയ്ത ലെഹം​ഗ പിങ്ക് നിറത്തിൽ ഫ്ലോറൽ ഡിസൈനോടുകൂടിയതാണ്. സ്ലീവ്‌ലെസ് ടോപ്പിലും ഫ്ളോറൽ ഹാൻഡ് വർക്ക് നിറഞ്ഞിരുന്നു. ഇളം മഞ്ഞ നിറത്തിലുള്ള ദുപ്പട്ട ലുക്ക് പൂർണ്ണമാക്കി. 

നെറ്റിച്ചുട്ടിയും വലിയ ഹാങ്ങിങ് കമ്മലും വളയുമായിരുന്നു ഒപ്പം അണിഞ്ഞിരുന്നത്. സുകൃതി ആൻഡ് ആകൃതി സ്റ്റൈൽ ചെയ്ത ലുക്ക് ആയിരുന്നു തമ്മന്നയുടേത്. താരം ഒരു രാജകുമാരിയെപ്പോലുണ്ട് എന്നായിരുന്നു ആരാധകരുടെ കമന്റുകൾ.