ലോക്ക്ഡൗൺ റൊമാൻസ്; കാമുകനൊപ്പം കിടിലൻ ചിത്രങ്ങളുമായി ടൈഗർ ഷ്റോഫിന്റെ അനുജത്തി 

കോവിഡ് പ്രതിരോധം ലക്ഷ്യമിട്ട് വീട്ടിൽ തന്നെ സമയം ചിലവഴിക്കുകയാണ് ‌മിക്ക സെലിബ്രിറ്റികളും. ചിലരാകട്ടെ പ്രകൃതി രമണീയമായ സ്ഥലങ്ങളിൽ നേരംപോക്ക് കണ്ടെത്തുകയാണ്.  നടൻ ടൈഗർ ഷ്രോഫിന്റെ സഹോദരി കൃഷ്ണ ഷ്രോഫും കാമുകൻ എബാൻ ഹിയാമും ഒന്നിച്ചുള്ള ചിത്രങ്ങളാണ് ഇപ്പോൾ ഇൻസ്റ്റ​ഗ്രാമിൽ വൈറലാകുന്നത്. 

സ്വിമ്മിങ്  പൂളിൽ സമയം ചിലവിടുന്ന ചിത്രങ്ങൾ മുതൽ ലിപ്പ്ലോക്ക് ഫോട്ടോകൾ വരെ ഇക്കൂട്ടത്തിലുണ്ട്. ഇൻഫിനിറ്റിയുടെ ഇമോജിയാണ് ഈ ചിത്രങ്ങൾക്കൊപ്പം കൃഷ്ണ നൽകിയിരിക്കുന്നത്. 

ഇതിനുമുൻപും എബാനൊപ്പമുള്ള ചിത്രങ്ങൾ കൃഷ്ണ പങ്കുവച്ചി‌ട്ടുണ്ട്. ഓസ്‌ട്രേലിയയിലെ ബോണ്ടി ബീച്ചിൽ സമയം ചിലവിടുന്ന ചിത്രം ലോക്ക്ഡൗണിന് മുമ്പ് ആരാധകരുമായി പങ്കുവച്ചിരുന്നു.