നടൻ വിജയ്ക്കെതിരെ വീണ്ടും ആരോപണവുമായി ബിഗ് ബോസ് താരവും നടിയുമായ മീര മിഥുൻ. വിജയ് ഫാൻസ് ക്ലബിന്റെ നേതാവ് ട്വിറ്ററിലടക്കം തനിക്കെതിരേ അശ്ലീല പരാമർശങ്ങൾ നടത്തുകയാണെന്നാണ് ആരോപണം. നടൻ പണം നൽകി തനിക്കെതിരെ ആരോപണങ്ങൾ നടത്തുകയാണെന്നും തന്നെ ആത്മഹത്യയിലേക്ക് തള്ളിവിട്ടെന്നു മീര പറയുന്നു.
നേരത്തെയും വിജയ്ക്കെതിരെ മീര ആരോപണമുന്നയിച്ചിരുന്നു. രജനീകാന്തിനും നടി തൃഷയ്ക്കുമെതിരെയും മീര രംഗത്തെത്തിയിരുന്നു. തൃഷ തന്നെ അനുകരിക്കുകയാണെന്നും തന്റെ വേഷങ്ങൾ തട്ടിയെടുത്തുവെന്നും ഇവർ ആരോപിച്ചു.
തമിഴ്സിനിമയിലെ പ്രശസ്ത താരങ്ങൾക്കെതിരേ ആരോപണങ്ങൾ ഉന്നയിച്ച് വാർത്തകൾ സൃഷ്ടിക്കുന്നത് മീരയുടെ പുതിയ വിനോദമാണെന്നാണ് ആരാധകരുടെ വിലയിരുത്തൽ. മീരയുടെ പുതിയ ട്വീറ്റുനുനേരെയും ആരോപണങ്ങൾ ശക്തമാണ്. പ്രശസ്തയാകാൻ ഇത്തരം ഹീനമായ വഴികൾ തേടരുതെന്നും വിജയ് ഇവർക്കെതിരേ നിയമനടപടികൾ സ്വീകരിക്കണമെന്നുമാണ് സോഷ്യൽ മീഡിയയിൽ ഉയരുന്ന അഭിപ്രായം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates