സിദ്ധ് ശ്രീറാം എന്ന ചെറുപ്പക്കാരനായ ഗായകനെ അറിയാത്തവര് ചുരുക്കമാണ്. വളരെപ്പെട്ടാന്നാണ് ഈ യുവാവ് പ്രേക്ഷകമനസില് ഇടം നേടിയത്. മറു വാര്ത്തൈ പേസാതെ, വിസിരി, ഇങ്കേം ഇങ്കേം കവലെ.. തുടങ്ങി സിദ്ധിന്റെ ശബ്ദത്തില് പിറന്ന ഗാനങ്ങളെല്ലാം സൂപ്പര് ഹിറ്റുകളാണ്. മലയാളത്തിലും സിദ്ധ് തന്റെ സാന്നിധ്യമറിയിച്ചിട്ടുണ്ട്.
ഷെയിന് നിഗമും ആന് ശീതളും നായികാനായകന്മാരായെത്തിയ ഇഷ്ക്കിലെ 'പറയുവാന് ഇതാദ്യമായി' എന്ന് തുടങ്ങുന്ന ഗാനം ആലപിച്ചത് സിദ്ധ് ശ്രീറാം ആണ്. ഇത് മലയാളത്തില് ഈയിടെ ഇറങ്ങിയതില് ശ്രദ്ധിക്കപ്പെട്ട ഒന്നായിരുന്നു എന്നതില് സംശയമില്ല.
ഇപ്പോഴിതാ ഒരു കച്ചേരിക്കെത്തിയപ്പോള് ഇഷ്കിലെ ഈ മനോഹര ഗാനം വീണ്ടും ആലപിക്കുന്ന സിദ്ധിന്റെ വീഡിയോ ആണ് വൈറലാകുന്നത്. കച്ചേരിക്കൊടുവില് കാണികളുടെ ആഗ്രഹ പ്രകരമാണ് സിദ്ധ് 'പറയുവാന് ഇതാദ്യമായി...' എന്ന ഗാനം ആലപിച്ചത്.
2013ല് പുറത്തിറങ്ങിയ കടല് എന്ന ചിത്രത്തിനായി എ.ആര് റഹ്മാന് ഒരുക്കിയ അടിയേ എന്ന ഗാനം ആലപിച്ചാണ് സിദ്ധ് പിന്നണി ഗാനരംഗത്തേക്കെത്തുന്നത്.. പിന്നീട് 2015ല് പുറത്തിറങ്ങിയ വിക്രം ചിത്രം 'ഐ'യിലെ 'എന്നോട് നീ ഇരുന്താല്' എന്ന ഗാനമാണ് സിദ്ധിന് ബ്രേക്ക് ആവുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
