സംവിധായകൻ വൈശാഖിന്റെ കാർ അപകടത്തിൽപ്പെട്ടു; പരിക്ക്

കോതമംഗലം; സംവിധായകൻ വൈശാഖിന്റെ കാർ അപകടത്തിൽപ്പെട്ടു. വൈശാഖ് സഞ്ചരിച്ചിരുന്ന കാർ എതിരെ വന്ന പിക്ക് അപ്പ് വാനുമായി കൂട്ടിയിടിക്കുകയായിരുന്നു. കോതമംഗലം- മൂവാറ്റുപുഴ റോഡിൽ കറുകടം അമ്പലപ്പടിയിൽ വച്ചായിരുന്നു അപകടമുണ്ടായത്. ഈ സമയം അദ്ദേഹത്തിന്റെ കുടുംബവും വണ്ടിയിലുണ്ടായിരുന്നു. 

കോതമംഗലത്ത് നിന്ന് മൂവാറ്റുപുഴ ഭാഗത്തേക്ക്‌ പോകുകയായിരുന്നു വൈശാഖ്. വൈശാഖിന്റെ ഭാര്യയും കുടുംബവും കാറിൽ ഉണ്ടായിരുന്നു. അപകടത്തിൽ ഇരു വാഹനത്തിലെയും യാത്രക്കാർക്ക് പരുക്കേറ്റിട്ടുണ്ട്. എന്നാൽ ആരുടേയും പരിക്ക് ​ഗുരുതരമല്ല. പുലിമുരുകൻ, പോക്കിരി രാജ, മധുരരാജ എന്നീ സൂപ്പർഹിറ്റ് ചിത്രങ്ങളുടെ സംവിധായകനാണ് വൈശാഖ്. കഴിഞ്ഞവർഷം മമ്മൂട്ടിയെ നായകനാക്കി ഇറക്കിയ മധുരരാജ വൻ വിജയമായിരുന്നു.