സിമി, ഷമ്മിയുടെ ഭാര്യയായത് ഇങ്ങനെ; വൈറലായി ​ഗ്രേസിന്റെ ഓഡിഷൻ വീഡിയോ

സമീപകാലത്തിറങ്ങിയ മികച്ച ചിത്രങ്ങളുടെ ​ഗണത്തിലാണ് ശ്യാം പുഷ്കരന്റെ തിരക്കഥയിൽ മധു സി നാരായണൻ സംവിധാനം ചെയ്ത കുമ്പളങ്ങി നൈറ്റ്സ്. ചിത്രത്തിൽ പ്രേക്ഷകര്‍ മനസറിഞ്ഞ് കൈയടിച്ച ഒരു സ്ത്രീ കഥാപാത്രമാണ് സിമി. ഷമ്മിയെന്ന കഥാപാത്രത്തിന്റെ ഭാര്യയാണ് സിമി.  

ഫഹദാണ് ഷമ്മിയെ അവതരിപ്പിക്കുന്നത്. സിമിയായി വേഷമിട്ടത് ​​ഗ്രേസ് ആന്റണിയായിരുന്നു. ചിത്രത്തിലുടനീളം ഫഹദിനൊപ്പം കട്ടയ്ക്ക് നിൽക്കുന്ന പ്രകടനമാണ് ഗ്രേസ് ആന്റണി കാഴ്ചവച്ചത്. 

ഇപ്പോഴിതാ സിമിയായി മാറാനുള്ള ഗ്രേസിന്റെ ഓഡിഷന്‍ വീഡിയോ വൈറലാകുകയാണ്. ഭാവന സ്റ്റുഡിയോസ് ആണ് വീഡിയോ പുറത്ത് വിട്ടിരിക്കുന്നത്.