അജ്മാൻ: ടാക്സികളിലും ആഡംബര വാഹങ്ങൾക്കും സ്മാർട്ട് വേഗപ്പൂട്ടുകൾ സ്ഥാപിക്കാനൊരുങ്ങി അജ്മാൻ. പുതിയ സംവിധാനത്തിലൂടെ വാഹനത്തിന്റെ തത്സമയ സ്ഥാനം അടിസ്ഥാനമാക്കി വാഹനത്തിന്റെ വേഗത ഓട്ടോമാറ്റിക് ആയി നിയന്ത്രിക്കും. യു എ ഇയിൽ തന്നെ ആദ്യമായി ആണ് ഇത്തരമൊരു നീക്കം നടത്തുന്നത് എന്ന പ്രത്യേകതയുമുണ്ട്.
വാഹനം സഞ്ചരിക്കുന്ന സ്ഥലത്തെ പരമാവധി വേഗത പുതിയ ഉപകരണം സ്വയം തിരിച്ചറിയും. അതിനൊപ്പം തന്നെ ഓരോ റോഡിലുമുള്ള വാഹനങ്ങളുടെ തിരക്ക് സംബന്ധിച്ച ഡാറ്റാ തത്സമയം ഈ ഉപകരണം ശേഖരിക്കും. സ്മാർട്ട് മാപ്പിങ് വഴിയാണ് വിവരങ്ങൾ ശേഖരിക്കുന്നത്. ഇങ്ങനെ ശേഖരിക്കുന്ന വിവരങ്ങളുടെ അടിസ്ഥാനത്തിൽ വാഹനത്തിന്റെ വേഗത സ്വയം നിയന്ത്രിക്കും.
ഈ നീക്കത്തിലൂടെ റോഡിലെ അപകടകരമായ ഡ്രൈവിംഗ് കുറയ്ക്കാൻ പുതിയ സംവിധാനത്തിലൂടെ കഴിയും. യാത്രക്കാരുടെയും ഡ്രൈവറുടെയും സുരക്ഷ കൂടുതൽ ശക്തമാക്കാനും അപകടങ്ങളുടെ എണ്ണം കുറയ്ക്കാനും ഇത് സഹായകരമാകും എന്ന് അധികൃതർ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
