ഫാമിലി വിസയ്ക്ക് ഇനി കൈപൊള്ളും; കടുത്ത നിലപാടുമായി ബഹ്‌റൈൻ

മനാമ: വിദേശ തൊഴിലാളികൾക്ക് കുടുംബാംഗങ്ങളെ സ്പോൺസർ ചെയ്യാനും താമസിപ്പിക്കാനും വേണ്ട കുറഞ്ഞ പ്രതിമാസ വരുമാനം ബഹ്‌റൈൻ വർധിപ്പിക്കുന്നു. 400 ദിനാറിൽ നിന്ന് 1,000 ദിനാറായി ആണ് തുക വർധിപ്പിച്ചത്. ഇത് സംബന്ധിച്ച അടിയന്തര നിർദേശം പാർലമെന്റ് ഏകകണ്ഠമായി അംഗീകരിച്ചു. പാർലമെന്റ് അംഗീകരിച്ച ഈ പ്രമേയം തുടർ നടപടികൾക്കായി മന്ത്രിസഭയ്ക്ക് കൈമാറി.

നിലവിലെ നിയമപ്രകാരം ഭാര്യയെയും 24 വയസ്സിന് താഴെയുള്ള കുട്ടികളെയും സ്പോൺസർ ചെയ്യാൻ 400 ദിനാർ മതിയായിരുന്നു. ഇനി മുതൽ 1000 ദിനാർ ശമ്പളമുള്ള വ്യക്തികൾക്ക് മാത്രമേ കുടുബാംഗങ്ങളെ സ്പോൺസർ ചെയ്യാൻ സാധിക്കൂ.

സ്പോ​ൺ​സ​ർ ചെ​യ്യു​ന്ന ഓ​രോ വ്യ​ക്തി​ക്കും ആ​രോ​ഗ്യ ഇ​ൻ​ഷു​റ​ൻ​സും ഏർപ്പെടുത്തണമെന്നും പുതിയ നിർദേശത്തിൽ പറയുന്നു. ഇതോടെ കുടുബാംഗങ്ങളെ സ്പോൺസർ ചെയ്യുന്നത് പ്രവാസികളെ വലിയ സാമ്പത്തിക ബുദ്ധിമുട്ട് സൃഷ്ടിക്കും.

സ്ട്രാറ്റജിക് തിങ്കിംഗ് ബ്ലോക്ക് വക്താവ് എം.പി. ഖാലിദ് ബു അനകിന്റെ നേതൃത്വത്തിലുള്ള അഞ്ചംഗ സംഘമാണ് പാർലമെന്റിൽ ഈ നിർദേശം സമർപ്പിച്ചത്. കുറഞ്ഞ വരുമാനമുള്ള വിദേശ തൊഴിലാളികൾക്ക് താമസച്ചെലവ്, സ്കൂൾ വിദ്യാഭ്യാസം, ആരോഗ്യപരിരക്ഷ തുടങ്ങിയ ചെലവുകൾ വഹിക്കാൻ ബുദ്ധിമുട്ടാണ്.

അവർ ആശ്രിതരെ കൊണ്ടുവരുന്നത് യുക്തിയല്ലെന്നും എം.പിമാർ പറഞ്ഞു. ഇത് ഒരു ഒഴിവാക്കൽനയം അല്ലെന്നും, മറിച്ച് രാജ്യത്തിന്റെ സാമൂഹിക-സാമ്പത്തിക സംതുലിതാവസ്ഥ ഉറപ്പാക്കാനുള്ള നടപടിയാണ്. സർക്കാർ സബ്സിഡിയുള്ള സേവനങ്ങളിൽ ആശ്രയിക്കാതെ, സ്വന്തം ചെലവിൽ കുടുംബത്തെ പരിപാലിക്കാൻ കഴിയുന്നവർക്ക് മാത്രമേ ഇനി അനുമതി നൽകാൻ പാടുള്ളു എന്നും എംപിമാർ പറയുന്നു.