മു​ഖ്യ​മ​ന്ത്രിയുടെ സന്ദർശനം ബഹിഷ്കരിക്കാൻ ആഹ്വാനം, എതിര്‍ത്തും പ്രവാസി സംഘടനകള്‍

മനാമ: മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ ബ​ഹ്‌​റൈ​ൻ സന്ദർശനം ബഹിഷ്ക്കരിക്കണമെന്ന ആഹ്വാനവുമായി പ്രവാസി സംഘടനകൾ. മുഖ്യമന്ത്രിയുടെ ഗൾഫ് സന്ദർശനം വരാനിരിക്കുന്ന പ​ഞ്ചാ​യ​ത്ത്‌ തെ​ര​ഞ്ഞെ​ടു​പ്പ് ലക്ഷ്യമിട്ടാണെന്നാണ് സംഘടനകളുടെ വാദം.

കെ എം ​സി സി,ഓ ഐ സി സി തുടങ്ങിയ സംഘടനകൾ ബഹിഷ്ക്കരണ ആഹ്വാനവുമായി രംഗത്ത് എത്തിയപ്പോൾ മുഖ്യമന്ത്രിക്ക് പിന്തുണയുമായി ബ​ഹ്റൈ​ന്‍ ഓ​കെ.​ഓ​കെ (ഒ​ന്നാ​ണ് കേ​ര​ളം ഒ​ന്നാ​മ​താ​ണ് കേ​ര​ളം), കേരളീയ സമാജം തുടങ്ങിയ സംഘടനകൾ രംഗത്ത് എത്തി.

2017ൽ മു​ഖ്യ​മ​ന്ത്രി ​ബ​ഹ്റൈ​നിൽ സ​ന്ദ​ർ​ശ​നം ന​ട​ത്തി​യപ്പോൾ രാ​ഷ്ട്രീ​യ വ്യ​ത്യാ​സമില്ലാതെ പ്ര​വാ​സി​ക​ൾ അദ്ദേഹത്തെ സ്വീകരിച്ചിരുന്നു. അന്ന് മു​ഖ്യ​മ​ന്ത്രി നടത്തിയ പ്രഖ്യാപനങ്ങൾ എട്ട് വർഷമായിട്ടും നടപ്പാക്കാൻ കഴിഞ്ഞിട്ടില്ലെന്ന് ആണ് യു ഡി എഫിന്റെ പ്രവാസി സംഘടനകളുടെ വാദം.

തെ​ര​ഞ്ഞെ​ടു​പ്പ് അ​ടു​ത്തപ്പോൾ പൊള്ളയായ വാ​ഗ്ദാ​ന​ങ്ങ​ൾ നൽകാനാണ് മു​ഖ്യ​മ​ന്ത്രി ബ​ഹ്റൈ​നിൽ എത്തുന്നത് എന്നാണ് ഒ ഐ സി സി അടക്കമുള്ള സംഘടനകളുടെ കു​റ്റ​പ്പെ​ടു​ത്തൽ.

വിഷയത്തിൽ വിവാദം ഒഴിവാക്കാൻ കരുതലോടെയാണ് സിപിഎം സംഘടനകൾ പ്രതികരിച്ചത്. ന​വ​കേ​ര​ള സൃ​ഷ്ടി​ക്കാ​യി കേ​ര​ള​ത്തി​ല്‍ മുഖ്യമന്ത്രിയുടെ നേതൃത്വത്തിൽ ന​ട​ത്തി​യ വി​ക​സ​ന പ്ര​വ​ര്‍ത്ത​ന​ങ്ങ​ള്‍ ആ​ര്‍ക്കും നി​ഷേ​ധി​ക്കാൻ കഴിയില്ലെന്നും ബ​ഹ്റൈ​നി​ൽ നാളെ നടക്കുന്ന പ്ര​വാ​സി സം​ഗ​മ​ത്തി​ല്‍ എ​ല്ലാ മ​ല​യാ​ളി​ക​ളും പ​ങ്കു​ചേ​ര​ണ​മെ​ന്നുമാണ് സംഘടനകളുടെ നിലപാട്.

അതെ സമയം, നോ​ര്‍ക്ക​യു​ടേ​യും,മ​ല​യാ​ളം മി​ഷ​ന്‍ വി​ഭാ​ഗ​ത്തി​ന്‍റേ​യും,ബ​ഹ്റൈ​നി​ലു​ള്ള ലോ​ക​കേ​ര​ള സ​ഭാം​ഗ​ങ്ങ​ളു​ടേ​യും നേ​തൃ​ത്വ​ത്തി​ല്‍ നാളെ വൈകിട്ട് പ്ര​വാ​സി സം​ഗ​മം നടക്കും.

കേ​ര​ളീ​യ സ​മാ​ജ​ത്തി​ലെ ഹാ​ളും പ​രി​സ​ര​വും സം​ഗ​മ​ത്തി​നാ​യി സ​ജ്ജ​മാ​ക്കി​യിട്ടുണ്ട്. ഹാളിന് പുറത്ത് എ​ൽ ഇ ഡി സ്ക്രീ​നുകൾ അടക്കം സ്ഥാപിച്ചിട്ടുണ്ട്. 5000ത്തോ​ളം പേർ ചടങ്ങളിൽ പങ്കെടുക്കുമെന്നാണ് സംഘാടകരുടെ പ്രതീക്ഷ.