രൂപ ഇടിഞ്ഞു,കുതിച്ച് കയറി ​ഗൾഫ് കറൻസികൾ;നാട്ടിലേക്ക് പണമയക്കാൻ പ്രവാസികൾക്ക് മികച്ച അവസരം

ദുബൈ: യുഎഇ ദിർഹത്തിനെതിരെ ഇന്ത്യൻ രൂപയുടെ മൂല്യം കുത്തനെ ഇടിഞ്ഞ് 23.88 ആയി, കുവൈത്ത് ദിനാ‍ർ 286.72 രൂപയുമായി.

ഇന്ത്യൻ പ്രവാസികൾക്ക് ഇന്ത്യയിലേക്ക് പണമയക്കാൻ ഏറ്റവും അനുയോജ്യമായ സമയമാണിത്.

ജൂലൈ മാസത്തിൽ ഭൂരിഭാഗം ദിവസങ്ങളിലും രൂപയുടെ മൂല്യം 23.2 മുതൽ 23.3 വരെ സ്ഥിരമായിരുന്നു. എന്നാൽ, ഈ ആഴ്ച രൂപയുടെ മൂല്യം ഗണ്യമായി ഇടിഞ്ഞു - നാട്ടിലേക്ക് പണം വൈകി അയച്ചവർക്ക്, ഇത് നേട്ടം നൽകി.

വ്യാപാര രം​ഗത്ത് യു എസ് താരിഫ് വ‍‍ർദ്ധിപ്പിക്കുമെന്ന ആശങ്ക ഇന്ത്യൻ വിപണികളിൽ ഉണ്ടായ ചാഞ്ചാട്ടത്തിന് രൂപയുടെ മേൽ സമ്മർദ്ദം വർദ്ധിപ്പിക്കുകയും ചെയ്തതോടെയാണ് പ്രവാസികൾക്ക് ഈ നേട്ടം ലഭിച്ചത്.

യുഎഇ എക്സ്ചേഞ്ച് ഹൗസുകൾ ഇപ്പോൾ 23.7–23.8 നിലവാരമാണ് പറയുന്നത്, ഫെബ്രുവരിയിൽ അവസാനമായി ഈ പ്രവണത കണ്ടിരുന്നു. ഈ വർഷം ആദ്യം ദിർഹമിനെതിരെ കറൻസിയുടെ എക്കാലത്തെയും താഴ്ന്ന വിനിമയ നിരക്കായ 23.92 ന് അടുത്താണിത് - ആ നില ചെറിയൊരു കാലം മാത്രമേ നീണ്ടുനിന്നുള്ളൂ.

കുവൈത്തിലും യു എ ഇയിലും മാത്രമല്ല, ഖത്ത‍ർ, ബഹറൈൻ, സൗദി തുടങ്ങിയ രാജ്യങ്ങളിലെ കറൻസികളും കൂടുതൽ കരുത്ത്കാട്ടിയ ദിവസമാണിന്ന്. ഈ പ്രവണത പ്രവാസികൾക്ക് കൂടുതൽ നേട്ടം നൽകുന്നതിനാൽ കൂടുതൽ പേർ നാട്ടിലേക്ക് പണമയ്ക്കുന്നുണ്ട്.

പണം ഇപ്പോൾ അടയ്ക്കണോ അതോ കാത്തിരിക്കണോ? ഇനിയും കൂടുമോ?

“കഴിഞ്ഞ കുറച്ച് ദിവസങ്ങളായി രൂപയുടെ മൂല്യം പെട്ടെന്ന് ഇടിഞ്ഞു, 2025 ൽ ഇതുവരെ ഇന്ത്യൻ പ്രവാസികൾക്ക് ഏറ്റവും അനുകൂലമായ പണമടയ്ക്കൽ അവസരങ്ങളിൽ ഒന്നാണിത്,” ദുബായ് ആസ്ഥാനമായുള്ള കറൻസി വ്യാപാരിയെ ഉദ്ധരിച്ച് ഗൾഫ് ന്യൂസ് റിപ്പോർട്ട് ചെയ്യുന്നു

യുഎസ്-ഇന്ത്യ വ്യാപാര കരാർ യാഥാർത്ഥ്യമായാൽ മെച്ചപ്പെട്ട നിരക്ക് ലഭിക്കുമെന്ന പ്രതീക്ഷയിൽ യുഎഇയിലെ നിരവധി പ്രവാസികൾ നാട്ടിലേക്ക് പണമയ്ക്കാൻ കാത്തിരിക്കുകയായിരുന്നു. എന്നാൽ ഇപ്പോൾ താരിഫ് സ്ഥിരീകരിച്ചതോടെ, നിലവിലെ ഇടിവിന്റെ ഏറ്റവും ഉയർന്ന നിലയായിരിക്കാമെന്ന് കറൻസി വിശകലന വിദഗ്ധർ പറയുന്നു.

"നിങ്ങൾ നാട്ടിലേക്ക് പണമയ്ക്കാൻ മികച്ച നിമിഷത്തിനായി കാത്തിരിക്കുകയാണെങ്കിൽ, ഇത് ആകാമത്, ഈ കുതിച്ചുചാട്ടങ്ങൾ അധികകാലം നിലനിൽക്കാൻ സാധ്യതയില്ല." എന്ന് ഫോറെക്സ് അഡ്വൈസറെ ഉദ്ധരിച്ച് ദുബൈ മാധ്യമം റിപ്പോർട്ട് ചെയ്യുന്നു.