കുവൈത്തിൽ വീണ്ടും വ്യാജ മദ്യ വേട്ട; പ്രവാസികൾ അറസ്റ്റിൽ (വിഡിയോ)

കുവൈത്ത് സിറ്റി: വ്യാജമദ്യ നിർമ്മാണം നടത്തിയ പ്രവാസികളെ പിടികൂടി കുവൈത്ത് പൊലീസ്. ഇയാൾ മദ്യം നിർമ്മിച്ച് വന്നിരുന്ന അ​ബ്ദ​ലി​യി​ലെ ഫാ​ക്ട​റി സീൽ ചെയ്തു. ഇവിടെ നിന്ന് വൻ തോതിൽ സ്പിരിറ്റും വിവിധ മദ്യ ബ്രാൻഡുകളുടെ കുപ്പികളും സ്റ്റിക്കറുകളും കണ്ടെത്തിയിട്ടുണ്ട്.

ക്രി​മി​ന​ൽ സു​ര​ക്ഷാ വി​ഭാ​ഗം ന​ട​ത്തി​യ മിന്നൽ പ​രി​ശോ​ധ​ന​യി​ലാണ് ഏഷ്യൻ സ്വദേശികളായ രണ്ട് പേർ പിടിയിലായത്. വിദേശത്ത് നിന്ന് സ്പിരിറ്റും മദ്യകുപ്പികളും സ്റ്റിക്കറുകളും കുവൈത്തിൽ എത്തിക്കും. അതിനു ശേഷം നിറങ്ങൾ ലഭിക്കാൻ പ്രത്യേക പദാർത്ഥങ്ങൾ ചേർക്കും.

തുടർന്ന് ബ്രാൻഡഡ് കുപ്പികളിൽ സ്റ്റിക്കറുകൾ ഒട്ടിച്ച ശേഷം പ്രത്യേക രീതിയിൽ പായ്ക്ക് ചെയ്താണ് ഇവർ വിൽപ്പന നടത്തിയിരുന്നതെന്ന് പൊലീസ് വ്യക്തമാക്കി.

കുവൈത്തിൽ അടുത്തിടെ വിഷ മദ്യം കഴിച്ചു 160 പേരാണ് ചികിത്സ തേടിയത്. ഇതിൽ 23 പേർ മരിക്കുകയും 21 പേർക്ക് കാഴ്ച നഷ്ടമാകുകയും ചെയ്തിരുന്നു. ഇതിന്റെ പശ്ചാത്തലത്തിൽ രാജ്യത്തുടനീളം വ്യാപക പരിശോധനയാണ് അധികൃതർ നടത്തി വരുന്നത്. ല​ഹ​രി​യുമായി ബന്ധപ്പെട്ട കേസുകളിൽ തുടർന്നും ശ​ക്ത​മാ​യ ന​ട​പ​ടി​ക​ൾ സ്വീകരിക്കുമെന്നും അധികൃതർ വ്യക്തമാക്കി.