ഓൺലൈൻ കാർഡ്​ പേയ്​മെന്‍റുകൾക്ക് ഇനി ഒ ടി പി വേണ്ട; സമ്പൂർണ്ണ മാറ്റവുമായി യു എ ഇ

ദുബൈ: ബാങ്കിന്റെ കാർഡുകൾ ഉപയോഗിച്ച് ഓൺലൈൻ ഇടപാടുകൾ നടത്തുമ്പോൾ മെസേജ് ആയി ഒ ടി പി അയക്കുന്ന സംവിധാനം യു എ ഇ ബാങ്കുകൾ അവസാനിപ്പിക്കുന്നു. പേയ്​മെന്‍റ്​ ഓതന്‍റിക്കേഷൻ ബാങ്കിന്റെ ആപ്ലിക്കേഷൻ വഴി മാത്രമേ ചെയ്യാൻ കഴിയൂ. പുതിയ രീതി ജനുവരി ആറ്​ മുതൽ നടപ്പാക്കുമെന്നാണ് റിപ്പോർട്ടുകൾ.

പുതിയ രീതി​ സംബന്ധിച്ച അറിയിപ്പ് ​ ഉപഭോക്​താക്കൾക്ക്​ ബാങ്കുകൾ നൽകി തുടങ്ങി. ഇതിന്റെ ഭാഗമായി ഉപഭോക്​താക്കൾ ബാങ്കിന്റെ ഔദ്യോഗിക ആപ്പ് ഡൗൺലോഡ് ചെയ്യണം. പുതിയ മാറ്റത്തിലൂടെ ഓൺലൈൻ പണമിടപാടുകൾ കൂടുതൽ സുരക്ഷിതവും വേഗത്തിലുമാക്കാൻ കഴിയും. ഇതിലൂടെ ബാങ്ക്​ അക്കൗണ്ടുമായി ബന്ധപ്പെട്ട തട്ടിപ്പുകളിൽ നിന്ന്​ രക്ഷപ്പെടാനും കസ്റ്റമേഴ്സിന് സാധിക്കുമെന്ന് അധികൃതർ വ്യക്തമാക്കി.

ഒ ടി പി അടിസ്ഥാനമാക്കിയാണ് മിക്ക സൈബർ തട്ടിപ്പുകളും നടക്കുന്നത്​. ഇടപാടുകൾ ആപ്പ്​ വഴി ആകുന്നതോടെ തട്ടിപ്പുകൾ കുറയ്ക്കാൻ സാധിക്കും. ആപ്പുകളുടെ സുരക്ഷ ഉറപ്പാക്കാൻ ബാങ്കുകൾ ബയോമെട്രിക്സ്​, പാസ്​കോഡ്,​ഫേസ് ഐഡി എന്നിവ ഉപയോഗപ്പെടുത്തുന്നുണ്ട്​. അത് കൊണ്ട് തന്നെ മറ്റൊരാൾക്ക്​ ആപ്പുകൾ ഉപയോഗിച്ച് ഇടപാടുകൾ നടത്താൻ സാധിക്കില്ല എന്നതാണ് ഇതിന്റെ പ്രത്യേകത.