റിയാദ്: പശ്ചിമേഷ്യന് സംഘര്ഷങ്ങളുടെ പശ്ചാത്തലത്തില് സൗദി അറേബ്യയിലെ പൗരന്മാരെ തിരിച്ചുവിളിച്ച് അമേരിക്ക. സൗദി അറേബ്യയിലുള്ള അവശ്യ സേവനമേഖലയ്ക്ക് പുറത്തുള്ള ജീവനക്കാരും, കുടുംബാംഗങ്ങളും ഉടന് മടങ്ങണമെന്നാണ് യുഎസ് സ്റ്റേറ്റ് ഡിപാര്ട്ട്മെന്റിന്റെ നിര്ദേശം. സുരക്ഷാ വെല്ലുവിളികള് ചൂണ്ടിക്കാട്ടിയാണ് നടപടി.
ഇസ്രേയേല് - യുഎസ് ആക്രമണത്തിന് മറുപടിയായി ഇറാന് ഗള്ഫ് രാഷ്ട്രങ്ങളില് തിരിച്ചടിക്കുന്ന സാഹചര്യത്തിലാണ് നിര്ദേശം. കഴിഞ്ഞ ദിവസങ്ങളില് സൗദിക്ക് നേരെ ഇറാന് ശക്തമായ ആക്രമണമാണ് നടത്തിയത്. ഇതിന് പിന്നാലെയാണ് യുഎസ് തങ്ങളുടെ പൗരന്മാരെ തിരിച്ചുവിളിച്ചിരിക്കുന്നത്. ഫെബ്രുവരി 28 ന് ആരംഭിച്ച പശ്ചിമേഷ്യന് സംഘര്ഷത്തിന് ശേഷം ഇതാദ്യമായാണ് യുഎസ് മേഖലയിലെ തങ്ങളുടെ പൗരന്മാര്ക്കായി ഇത്തരം ഒരു നിര്ദേശം പുറപ്പെടുവിക്കുന്നത്.
സൗദിയിലേക്ക് യുഎസ് നടത്തിയ ആക്രമണത്തില് കഴിഞ്ഞ ദിവസം ഒരു യുഎസ് സൈനികന് കൊല്ലപ്പെടുകയും ചെയ്തിരുന്നു. ആക്രമണത്തില് പരിക്കേറ്റ് ചികിത്സയില് കഴിയുന്നതിനിടെയാണ് മരണം. ഇതോടെ മേഖലയിലെ സംഘര്ഷത്തില് കൊല്ലെപ്പെടുന്ന യുഎസ് സുരക്ഷാ ഉദ്യോഗസ്ഥരുടെ എണ്ണം ഏഴായി ഉയരുകയും ചെയ്തു. കഴിഞ്ഞ ഒരാഴ്ചയ്ക്കിടെ ആറ് യുഎസ് സൈനികരാണ് ഇറാന് ആക്രമണത്തില് കുവൈത്തില് മരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
