പനാജി : ഗോവയില്‍ ബിജെപി എംഎല്‍എയ്ക്ക് കോവിഡ് സ്ഥിരീകരിച്ചു. ഇദ്ദേഹത്തെ മര്‍ഗോവയിലെ കോവിഡ് ആശുപത്രിയായ ഇഎസ്‌ഐ ഹോസ്പിറ്റലില്‍ പ്രവേശിപ്പിച്ചതായി അധികൃതര്‍ അറിയിച്ചു. എംഎല്‍എയ്ക്ക് ഖഴിഞ്ഞ ദിവസങ്ങളില്‍ കടുത്ത പനി ഉണ്ടായിരുന്നു.
തുടര്‍ന്ന് നടത്തിയ പരിശോധനയിലാണ് കോവിഡ് സ്ഥിരീകരിച്ചത്. ഗോവയില്‍ കഴിഞ്ഞദിവസം മുന്‍ ആരോഗ്യമന്ത്രിക്ക് കോവിഡ് സ്ഥിരീകരിച്ചിരുന്നു. ഗോവയില്‍ ചൊവ്വാഴ്ച 64 പേര്‍ക്കാണ് പുതുതായി രോഗം സ്ഥിരീകരിച്ചത്.
ഇതോടെ സംസ്ഥാനത്ത് കോവിഡ് ബാധിതരുടെ എണ്ണം 1315 ആയി. ഇതില്‍ 716 പേര്‍ നിലവില്‍ ചികില്‍സയിലാണെന്ന് ആരോഗ്യവകുപ്പ് അധികൃതര്‍ അറിയിച്ചു. സംസ്ഥാനത്ത് കോവിഡ് ബാധിച്ച് മൂന്നുപേരാണ് മരിച്ചത്. ജനങ്ങള്‍ കോവിഡ് പ്രതിരോധമാര്‍ഗങ്ങള്‍ കര്‍ശനമായി പാലിക്കണമെന്ന് മുഖ്യമന്ത്രി പ്രമോദ് സാവന്ത് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
