ശക്തമായ ഇടി മിന്നൽ; തീ പിടിച്ച് തെങ്ങ് കത്തിക്കരിഞ്ഞു (വീഡിയോ)

ബം​ഗളൂരു: ശക്തമായ ഇടി മിന്നലിൽ തീ പിടിച്ച് തെങ്ങ് കത്തിക്കരിഞ്ഞു. ഇന്നലെ വൈകിട്ടുണ്ടായ കനത്ത മഴയ്ക്കിടെയാണ് ശക്തമായ ഇടി മിന്നൽ ഉണ്ടായത്. 

കർണാടകയിലെ ഹിരിയൂറിലുള്ള ചിത്ര​ദുർ​​ഗയിലാണ് സംഭവം. വൈകിട്ട് ഉണ്ടായ ഇടിമിന്നൽ ഏറ്റ് തെങ്ങ് കത്തുന്ന വീഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. 

ഇന്നലെ ശക്തമായ മഴയാണ് കർണാടകത്തിന്റെ വിവിധ ഭാഗങ്ങളിൽ ഉണ്ടായത്. വടക്കൻ ബം​ഗളൂരുവിൽ നിരവധി ഇടങ്ങളിൽ മരങ്ങൾ കടപുഴകി വീണു. മെട്രോ ഗതാഗതം പോലും തടസപ്പെട്ടു. ബം​ഗളൂരു നഗരത്തിൽ പലയിടത്തും വൈദ്യുത തടസവും ഉണ്ടായി. വടക്കൻ കർണടകയിലുണ്ടായ ശക്തമായ മഴയിലും കാറ്റിലും പെട്ട് തുമകുരു ജില്ലയിൽ രണ്ട് പേർ മരിച്ചു.