ഹൈദരാബാദ്: തെലങ്കാനയില്‍ ലോക്‌സഭ അംഗവും എഐഎംഐഎം നേതാവുമായ അസദുദ്ദീന്‍ ഒവൈസിയുടെ ആയുരാരോഗ്യത്തിന് വേണ്ടി 101 ആടുകളെ ബലി നല്‍കി. ബിസിനസുകാരന്‍. ഹൈദരാബാദിലെ ബാഗ്- ഇ- ജഹനാരയിലാണ് പ്രാര്‍ഥന നടന്നത്. എഐഎംഐഎ നേതാവ് അഹമ്മദ് ബലാലയും മലക്കപേട്ട് എംഎല്‍എയും പ്രാര്‍ഥനയില്‍ പങ്കെടുത്തു.
ഫെബ്രുവരി മൂന്നിന് ഒവൈസി സഞ്ചരിച്ച വാഹനത്തിന് നേരെ വെടിയുതിര്‍ത്തിരുന്നു. ഇതിന് പിന്നാലെയാണ് ഒവൈസിയുടെ ആയുരാരോഗ്യത്തിന് വേണ്ടി ബിസിനസുകാരന്‍ പ്രാര്‍ഥന നടത്തിയത്. വാഹനത്തിന് നേരെ നടന്ന ആക്രമണത്തിന് പിന്നാലെ ഒവൈസിയുടെ സുരക്ഷ കേന്ദ്രസര്‍ക്കാര്‍ വര്‍ധിപ്പിച്ചിരുന്നു.
മീററ്റിലെ തെരഞ്ഞെടുപ്പ് പ്രചാരണം കഴിഞ്ഞ് ഡല്‍ഹിക്ക് മടങ്ങും വഴിയാണ് ആക്രമണം നടന്നത്. താന്‍ സുരക്ഷിതനാണെന്നും മറ്റൊരു വാഹനത്തില്‍ ഡല്‍ഹിക്ക് മടങ്ങിയതായും ഒവൈസി അറിയിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
