ന്യൂഡല്‍ഹി: കോവിഡിന് ആയുര്‍വേദത്തില്‍ മരുന്നുണ്ടെന്ന കണ്ടെത്തലിനെ അംഗീകരിച്ചതായ വാര്‍ത്തകള്‍ തള്ളി കേന്ദ്ര ആയുഷ് മന്ത്രാലയം. ഇത്തരത്തിലുള്ള ഒരു കണ്ടെത്തലിനെയും അംഗീകരിച്ചിട്ടില്ലെന്ന് മന്ത്രാലയം വാര്‍ത്താക്കുറിപ്പില്‍ അറിയിച്ചു.
ഗോവയില്‍നിന്നുള്ള അധ്യാപകനാണ് കോവിഡിന് ആയുര്‍വേദത്തില്‍ മരുന്നുണ്ടെന്നും ഇതു കേന്ദ്ര മന്ത്രാലയം അംഗീകരിച്ചതായും പ്രചരിപ്പിച്ചത്. പത്തൊന്‍പതാം നൂറ്റാണ്ടില്‍ ജീവിച്ചിരുന്ന സന്യാസി ഗജാനന്‍ മഹാരാജിന്റെ ഉപദേശങ്ങളെ അടിസ്ഥാനമാക്കി നിര്‍മിച്ച ആയുര്‍വേദിക് ഫോര്‍മുല കോവിഡിന് മരുന്നായി ഉപയോഗിക്കാമെന്നായിരുന്നു അവകാശവാദം.
മരുന്നു കണ്ടുപിടിത്തവുമായി അധ്യാപകനായ മഹേഷ് ദേഗ്വേക്കര്‍ കേന്ദ്ര ആയുഷ് മന്ത്രി ശ്രീപദ് നായിക്കിനെ കണ്ടിരുന്നു. ഇതിനെത്തുടര്‍ന്നാണ് മന്ത്രാലയം ഇത് അംഗീകരിച്ചതായ വാര്‍ത്തകള്‍ പുറത്തുവന്നത്. എന്നാല്‍ ദേഗ്വേക്കര്‍ ആവശ്യപ്പെട്ടത് അനുസരിച്ച് കൂടിക്കാഴ്ചയ്ക്കു സമയം നല്‍കുക മാത്രമാണ് കേന്ദ്രമന്ത്രി ചെയ്തതെന്ന് വാര്‍ത്താക്കുറിപ്പില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
