ന്യൂഡല്‍ഹി: 2000 രൂപയുടെ നോട്ടെടുക്കാന്‍ മെട്രോ ട്രാക്കിലേക്ക് ചാടിയ യുവതി തലനാരിഴയ്ക്ക് രക്ഷപെട്ടു. ഡല്‍ഹിയിലെ ദ്വാരക മോര്‍ സ്‌റ്റേഷനിലാണ് സംഭവം.
രാവിലെ 10.30 ഓടെ മെട്രോ സ്‌റ്റേഷനിലെത്തിയ യുവതിയുടെ പഴ്‌സില്‍ നിന്നും 2000 രൂപയുടെ നോട്ട് ട്രാക്കിലേക്ക് പറന്ന് വീഴുകയായിരുന്നു. ഒന്നും വിചാരിക്കാതെ ഇവര്‍ പണമെടുക്കുന്നതിനായി ട്രാക്കിലേക്ക് ചാടിയപ്പോഴാണ് ട്രെയിന്‍ വരുന്നത് കണ്ടത്. ഉടന്‍ തന്നെ പ്ലാറ്റ്‌ഫോമിലുണ്ടായിരുന്ന മറ്റ് യാത്രക്കാര്‍ ബഹളം വയ്ക്കുകയും അപകട സൈറന്‍ മുഴക്കുകയും ചെയ്തു. ഇതേത്തുടര്‍ന്ന് ലോക്കോ പൈലറ്റ് ട്രെയിന്‍ നിര്‍ത്തി. സിഐഎസ്എഫും രക്ഷാപ്രവര്‍ത്തനത്തിനെത്തി.
ട്രെയിന്‍ വരുന്നത് കണ്ട് പരിഭ്രമിച്ച യുവതി ട്രാക്കുകള്‍ക്കിടയിലെ സ്ഥലത്തേക്ക് മാറി നില്‍ക്കുകയായിരുന്നു. ട്രാക്കില്‍ നിന്നും രക്ഷിച്ച യുവതിയെ മാപ്പപേക്ഷ എഴുതി വാങ്ങിയ ശേഷം പിന്നീട് വിട്ടയച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
