ബാര്‍മെര്‍; അധികാരത്തില്‍ എത്തി അഞ്ച് വര്‍ഷം കഴിഞ്ഞിട്ടും പ്രായം കൂടാതെ ബിജെപി എംപി. രാജസ്ഥാനിലെ ബിജെപി സ്ഥാനാര്‍ത്ഥിയും എംപിയുമായ സോനാറാം ചൗധരിക്കാണ് പ്രായത്തില്‍ മാറ്റമില്ലാത്തത്. അന്നും ഇന്നും 73 തന്നെ പ്രായം.
2014 ല്‍ ലോകസഭാ തെരഞ്ഞെടുപ്പില്‍ ബാഡ്‌മേറില്‍ നിന്ന് മത്സരിച്ചപ്പോള്‍ സോനാറാമിന്റെ നാമനിര്‍ദേശ പത്രികയില്‍ രേഖപ്പെടുത്തിയിരുന്നത് 73 വയസായിരുന്നു. ഇത്തവണ തെരഞ്ഞെടുപ്പില്‍ മത്സരിക്കാനായി നാമനിര്‍ദേശ പത്രിക നല്‍കിയപ്പോള്‍ അതിലും പ്രായത്തിന് മാത്രം ഒരു വ്യത്യാസവുമില്ല. തെരഞ്ഞെടുപ്പ് കമ്മീഷന്റെ വെബ്‌സൈറ്റില്‍ സത്യവാങ്മൂലം ലഭ്യമാണ്.
എന്നാല്‍ ഇത് ആദ്യമായിട്ടല്ല സോനാറാമിന്റെ പ്രായത്തില്‍ മാറ്റം വരുന്നത്. 2008 ല്‍ മത്സരിക്കുമ്പോള്‍ അദ്ദേഹത്തിന് 65 വയസായിരുന്നു. ഇത് അനുസരിച്ച് 2014 ആയപ്പോള്‍ 71 വയസാണ് ആകേണ്ടിയിരുന്നത്. എന്നാല്‍ രണ്ട് വയസ്സുകൂടി കൂട്ടി 73 എന്നാണ് അന്ന് അദ്ദേഹം രേഖപ്പെടുത്തിയത്. ഇത്തവണ ആണെങ്കില്‍ പ്രായത്തില്‍ മാറ്റവുമില്ല. പ്രായം പുറത്തുവന്നതോടെ എതിര്‍കക്ഷികള്‍ പരിഹാസവുമായി രംഗത്തെത്തിയിട്ടുണ്ട്. കരസേനയില്‍ നിന്ന് കേണലായി വിരമിച്ച സോനാറാം 1996 മുതല്‍ ലോക്‌സഭാംഗമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
