കാന്‍പൂര്‍: വിവാഹവഴക്കിനെ തുടര്‍ന്ന് 28 കാരന്‍ യുവതിയെയും അമ്മായി അമ്മയെയും അരിവാള്‍ കൊണ്ട് തലയറുത്ത് കൊലപ്പെടുത്തി. കാന്‍പൂരിലെ സര്‍ദാര്‍ കോത്ത്‌വാലി പൊലീസ് സ്റ്റേഷന്‍ ഏരിയയിലുള്ള ഹൗദപൂര്‍വയില്‍ വ്യാഴാഴ്ച രാത്രിയാണ് സംഭവം. പിറ്റേദിവസം യുവാവ് കൊലയ്ക്ക് ഉപയോഗിച്ച അരിവാളുമായി പൊലീസ് സ്റ്റേഷനില്‍ കീഴടങ്ങുകയായിരുന്നു.
വിവാഹത്തിന് പിന്നാലെ വീ്ട്ടില്‍ ഉണ്ടായ നിരന്തരം വഴക്കാണ് കൊലയ്ക്ക് പിന്നിലെന്ന് യുവാവ് പൊലീസിനോട് പറഞ്ഞു. സംഭവദിവസം യുവാവ് വിട്ടിലെത്തിയതിന് പിന്നാലെ ഭാര്യയുമായി വഴക്കായി. തര്‍ക്കത്തിനിടെ അമ്മായി അമ്മ മകളെ പിന്തുണച്ച് രംഗത്തെത്തി. ഇതോടെ യുവാവ് കൂടുതല്‍ പ്രകോപിതനാവുകയായിരുന്നു.
തുടര്‍ന്ന് അരിവാളെടുത്ത് ഇയാള്‍ യുവതിയുടെ അമ്മായി അമ്മയുടെയും തലയറുത്ത് മാറ്റുകയായിരുന്നു. തുടര്‍ന്ന് മൃതദേഹം വീടിന് പിറകുവശം തള്ളുകയായിരുന്നു. പിറ്റദിവസം ഇയാള്‍ അരിവാളുമായി പൊലീസ് സ്റ്റേഷനില്‍ കീഴടങ്ങുകയായിരുന്നു. സംഭവത്തിന് പിന്നാലെ പ്രതിയെ പൊലീസ് കസ്റ്റഡിയിലെടുത്തു. ഐപിസി സെക്ഷന്‍ 302 പ്രകാരം ഇയാള്‍ക്കെതിരെ കൊലപാതകക്കുറ്റം ചുമത്തിയതായി പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
