പാട്‌ന: 28കാരനെ വെടിവെച്ചു കൊന്നതിനുശേഷം ഒളിച്ചിരുന്ന കൊലയാളിയെ ആള്‍ക്കൂട്ടം പിടികൂടി ടെറസില്‍ നിന്ന് താഴെയ്ക്ക് തള്ളിയിട്ടു. തടയാനെത്തിയ പൊലീസുകാരനെയും ഇവര്‍ താഴേക്കുന്തിയിട്ടു. 11ഒാളം പൊലീസുകാര്‍ക്കും സംഭവസ്ഥലത്തുണ്ടായിരുന്ന മാധ്യമപ്രവര്‍ത്തകര്‍ക്കും പരിക്കേറ്റു. ബീഹാറിലെ നളന്ദയിലാണ് സംഭവം.
കൊലപാതകത്തിനുശേഷം ഒരു വീടിനുള്ളില്‍ കയറി ഒളിച്ചിരുന്ന കൊലയാളിയെ ഒരു കൂട്ടം ആളുകള്‍ചേര്‍ന്ന്‌ കണ്ടുപിടിക്കുകയായിരുന്നു. ഇയാളെ അതിക്രൂരമായി മര്‍ദ്ദിച്ചശേഷം ടെറസില്‍ നിന്ന് തള്ളിയിട്ടു. ആളുകളെ പിടിച്ചുമാറ്റാനെത്തിയ പൊലീസുകാരനെയും ഇവര്‍ തള്ളിയിടുകയായിരുന്നു. സ്ഥിതി ശാന്തമാക്കാനുള്ള ശ്രമത്തിനിടയില്‍ 11ഓളം പൊലീസുകാര്‍ക്കും പരിക്കേറ്റു. സംഭവം റിപ്പോര്‍ട്ട് ചെയ്യാനെത്തിയ ആറ് മാധ്യമപ്രവര്‍ത്തകരെയും ജനം ആക്രമിച്ചു.
സംഭവത്തില്‍ 9പേരെ പൊലീസ് അറസ്റ്റ് ചെയ്തു. ആറ് വാഹനങ്ങളോളം കത്തിനശിപ്പിച്ച ഇവര്‍ വളരെയധികം അക്രമാസക്തരായിരുന്നു. ഇതേതുടര്‍ന്ന് സംഭവസ്ഥലത്ത് ശക്തമായ പൊലീസ് സുരക്ഷ ഏര്‍പ്പെടുത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
