'പ്രായപൂർത്തിയായവർക്ക് വിവാഹപ്രായം ആയില്ലെങ്കിലും ഒരുമിച്ചു ജീവിക്കാം'; കോടതി

ചണ്ഡീ​ഗഡ്; വിവാഹപ്രായമായില്ലെങ്കിലും പ്രായപൂർത്തിയായവർക്ക് ഒരുമിച്ച് ജീവിക്കാമെന്ന് കോടത്. പഞ്ചാബ് ഹരിയാന കോടതിയുടേതാണ് ഉത്തരവ്. മാതാപിതാക്കളിൽ നിന്ന് ആക്രമണഭീഷണിയുള്ളതിനാൽ സംരക്ഷണം തേടി 19 വയസുകാരിയാണ് കോടതിയെ സമീപിച്ചത്. 20 വയസുകാരനായ ആൺകുട്ടിയോടൊപ്പമാണ് പെൺകുട്ടി താമസിക്കുന്നത്. 

ഓരോ വ്യക്തിക്കും ജീവിക്കാനുള്ള അവകാശം ഭരണഘടന ഉറപ്പു നൽകുന്നുണ്ട്. ജീവിതപങ്കാളിയെ തെരഞ്ഞെടുക്കാനുള്ള സ്വാതന്ത്ര്യം ഇതിന്റെ ഭാ​ഗമാണ്. അതിനാൽ മാതാപിതാക്കൾ അമിതമായി ഇടപെടരുതെന്നും കോടതി വ്യക്തമാക്കി. പെൺകുട്ടിക്കും കാമുകനും ആവശ്യമായ സുരക്ഷ നൽകാൻ ജസ്റ്റിസ് അൽക്ക സരിൻ പൊലീസിന് നിർദേശം നൽകി.