ഡൽഹി: മുഴുവൻ എംപിമാരോടും ഞായറാഴ്ച ഡൽഹിയിൽ എത്താൻ കോൺഗ്രസ് ദേശിയ നേതൃത്വത്തിന്റെ നിർദേശം. എഐസിസി ആസ്ഥാനത്തെ പൊലീസ് നടപടിക്ക് എതിരായ പ്രതിഷേധം ശക്തമാക്കുന്നതിന്റെ ഭാഗമായാണ് കോൺഗ്രസിന്റെ നീക്കം.
ബ്ലോക്ക് തലങ്ങളിൽ രാജ്യവ്യാപകമായി ഇന്ന് കോൺഗ്രസ് പ്രവർത്തകർ പ്രതിഷേധിക്കും. രാഹുൽ ഗാന്ധിയെ നാഷണൽ ഹെറാൾഡ് കേസിൽ തിങ്കളാഴ്ചയും ചോദ്യം ചെയ്യും. ഇഡിക്ക് എതിരായ സമരം ശക്തമാക്കാനാണ് കോൺഗ്രസ് തീരുമാനം. നിരോധനാജ്ഞ മുൻനിർത്തി എഐസിസി ആസ്ഥാനത്തിനു മുമ്പിൽ സമരത്തിന് അനുമതി നിഷേധിച്ചാൽ എംപിമാരുടെ വീടുകൾ കേന്ദ്രീകരിച്ചാവും സമരം.
ഇത് മുൻപിൽ കണ്ടാണ് എം പിമാരോട് നാളെ ഡൽഹിയിൽ എത്താൻ കോൺഗ്രസ് ദേശീയ നേതൃത്വം നിർദേശിച്ചിരിക്കുന്നത്. ഓരോ എംപിയുടെ വീട്ടിലും പത്ത് പ്രവർത്തകർ വീതം തിങ്കളാഴ്ച പ്രതിഷേധത്തിൽ പങ്കെടുക്കും.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
