മുംബൈ: മാസ്‌ക് ധരിക്കാത്തത് ചോദ്യം ചെയ്ത ബ്രിഹന്‍മുംബൈ കോര്‍പ്പറേഷന്‍ ജീവനക്കാരിയെ സ്ത്രീകളായ മൂന്നംഗസംഘം ക്രൂരമായി മര്‍ദ്ദിച്ചു. മുംബൈയിലെ ബാന്ദൂപ് റെയില്‍വെ സ്റ്റേഷന് സമീപം വച്ചായിരുന്നു മര്‍ദ്ദനം. മൂന്ന് പേരെ പൊലീസ് അറസ്റ്റ് ചെയ്തു.
ബിഎംസിയിലെ താത്കാലിക ജീവനക്കാരിയായ 28കാരിയ്ക്കാണ് മര്‍ദ്ദനമേറ്റത്. റയില്‍വെ സ്റ്റേഷന് സമീപം യുവതിയും സംഘവും ഡ്രൈവ് ചെയ്യുമ്പോള്‍ മാസ്‌ക് ധരിച്ചിരുന്നില്ല. ബിഎംസി ജീവനക്കാരി ഇവരോട് മാസ്‌ക് ധരിക്കാന്‍ പറഞ്ഞത് ഇവര്‍ക്ക് ഇഷ്ടമായില്ല. ഇതില്‍ പ്രകോപിതയായ ജീവനക്കാരി ആദ്യം ഇവരെ ചീത്തവിളിക്കുകയും പിന്നീട് ഇഷ്ടികകൊണ്ട് തലയ്ക്കടിയ്ക്കുകയുമായിരുന്നു. ഇവര്‍ക്കൊപ്പമുണ്ടായിരുന്നവരും ജീവനക്കാരിയെ മര്‍ദ്ദിക്കാന്‍ ഒപ്പം നിന്നു. സാരമായി പരിക്കേറ്റ ഇവരെ സഹപ്രവര്‍ത്തകരാണ് സമീപത്തെ ആശുപത്രിയില്‍ കൊണ്ടുപോയത്.
തുടര്‍ന്ന് ഇവര്‍ പൊലീസില്‍ പരാതി നല്‍കുകയായിരുന്നു. യുവതിയുടെ പരാതിയുടെ അടിസ്ഥാനത്തില്‍ മൂന്ന് പേരെ അറസ്റ്റ് ചെയ്തതായി പൊലീസ് പറഞ്ഞു. സംഭവത്തില്‍ വിശദമായ അന്വേഷണം നടക്കുകയാണെന്നും പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
