ഗുവഹാത്തി: കൗമാരക്കാരികള്‍ വീടിന് സമീപത്തെ കാട്ടില്‍ ആത്മഹത്യ ചെയ്ത നിലയില്‍. പതിനാറും പതിനാലും വയസുള്ള കുട്ടികളാണ് ആത്മഹത്യ ചെയ്തത്. ബലാത്സംഗം ചെയ്ത ശേഷം കെട്ടിത്തൂക്കിയതാണെന്ന് ബന്ധുക്കള്‍ ആരോപിച്ചു.
അസമിലെ കൊക്രാജര്‍ ജില്ലയിലെ ഗ്രാമത്തിലാണ് സംഭവം. ആത്മഹത്യ ചെയ്ത പെണ്‍കുട്ടികള്‍ ബന്ധുക്കളാണെന്ന് പൊലീസ് പറഞ്ഞു. പീഡനത്തിന് പിന്നാലെ പെണ്‍കുട്ടികളെ കൊന്ന് കെട്ടിത്തൂക്കിയതാണെന്ന് ബന്ധുക്കള്‍ ആരോപിക്കുന്നതായും പോസ്റ്റ്‌മോര്‍ട്ടം റിപ്പോര്‍ട്ടിനായി കാത്തിരിക്കുകയാണെന്നും പൊലീസ് പറഞ്ഞു.
സംഭവവുമായി ബന്ധപ്പെട്ട് കേസ് എടുത്തതായും നാല് പേരെ കസ്റ്റഡിയില്‍ എടുത്തതായും പൊലീസ് പറഞ്ഞു. സാധ്യമായ വഴികളെല്ലാം തേടും. പോസ്റ്റ്‌മോര്‍ട്ടം റിപ്പോര്‍ട്ടിനായി കാത്തിരിക്കുകയാണ്. അന്വേഷണം തുടരുകയാണെന്നും എഎസ്പി പറഞ്ഞു.വീടിന് സമീപത്തെ കാട്ടിനകത്താണ് പെണ്‍കുട്ടികളെ മരിച്ച നിലയില്‍ കണ്ടെത്തിയത്. അസം മുഖ്യമന്ത്രി ഹിമന്ത ബിശ്വശര്‍മ ഇന്ന് ഗ്രാമം സന്ദര്‍ശിക്കുമെന്നാണ് റിപ്പോര്‍ട്ടുകള്‍
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
