ന്യൂഡല്ഹി: ഗെയിമിങ് വ്യവസായത്തിന്റെ ഭാവിയെക്കുറിച്ച് ചര്ച്ച ചെയ്യാന് പ്രധാനമന്ത്രി നരേന്ദ്ര മോദിയും രാജ്യത്തെ പ്രമുഖ ഗെയിമര്മാരുമായി ചര്ച്ച നടത്തിയിരുന്നു. വ്യാഴാഴ്ച നടന്ന കൂടിക്കാഴ്ചയില് ഇന്ത്യന് പുരാണങ്ങളെ അടിസ്ഥാനമാക്കിയുള്ള ഗെയിമുകളുടെ സാധ്യത, കരിയര് എന്ന നിലയില് രാജ്യത്ത് ഗെയിമിങ്ങിന്റെ സാധ്യതയെ കുറിച്ചും മോദി സംസാരിച്ചു.
ഇന്ത്യയില് ഗെയിമര്മാര് നേരിടുന്ന വെല്ലുവിളികളെക്കുറിച്ചും നൈപുണ്യത്തെ അടിസ്ഥാനമാക്കിയുള്ള ഗെയിമുകളും പെട്ടെന്നുള്ള വരുമാനം വാഗ്ദാനം ചെയ്യുന്നവയും തമ്മിലുള്ള വ്യത്യാസത്തെക്കുറിച്ചും ചര്ച്ച നടന്നു. അനിമേഷ് അഗര്വാള്, മിഥിലേഷ് പടങ്കര്, തീര്ഥ് മേത്ത, നമന് മാത്തൂര്, അന്ഷു ബിഷ്ത്, പായല് ധരെ എന്നിവരാണ് യോഗത്തില് പങ്കെടുത്തവര്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
'പായല് ഗെയിമിംഗ്' എന്നറിയപ്പെടുന്ന പായല് ധരെ, ഇന്ത്യയിലെ ഏറ്റവും ജനപ്രിയ വനിതാ ഗെയിം ക്രിയേറ്റര്മാരില് ഒരാളാണ്. മധ്യപ്രദേശിലെ ചിന്ദ്വാര ജില്ലയിലെ ഉമ്രനാല സ്വദേശനിയാണ്. ഈ വര്ഷം മാര്ച്ചില് 'ഗെയിമിംഗ് ക്രിയേറ്റര് ഓഫ് ദ ഇയര്' അവാര്ഡ് പായല് ധരെ നേടിയിരുന്നു.
കഴിഞ്ഞ വര്ഷം ഡൈനാമിക് ഗെയിമിംഗ് ക്രിയേറ്റര് ഓഫ് ദി ഇയര് അവാര്ഡും അവര് നേടിയിരുന്നു. ഈ വര്ഷം ഫീമെയില് സ്ട്രീമര് ഓഫ് ദ ഇയര് അവാര്ഡും നേടി. ഗെയിമിങ്ങിനുപുറമെ പായല് ധരെ ബിസിനസ് രംഗത്തും പ്രവര്ത്തിക്കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
