ചണ്ഡിഗഡ്:അമൃത്സറിലെ ബിഎസ്എഫ് ക്യാംപിലെ ഭക്ഷണശാലയിലെ വെടിവയ്പില്‍ അഞ്ച് ജവാന്‍മാര്‍ കൊല്ലപ്പെട്ടു. എട്ടുപേര്‍ക്ക് പരിക്കേറ്റു. വെടിയുതിര്‍ത്ത ജവാന്‍ എസ്കെ. സട്ടപ്പയെ കസ്റ്റഡിയിലെടുത്തു.
പരിക്കേറ്റവരില്‍ ഒരാളുടെ നില ഗുരുതരമാണെന്നാണ് റിപ്പോര്‍ട്ടുകള്‍. കട്ടപ്പ ബിഎസ്എഫിന്റെ 144ബറ്റാലിയനിലെ ആസ്ഥാനമന്ദിരത്തിലാണ് ജോലി ചെയ്തിരുന്നത്. ഇയാള്‍ക്കും പരിക്കേറ്റതായി റിപ്പോര്‍ട്ടുകളുണ്ട്.
എസ്കെ. സട്ടപ്പ സര്‍വീസ് റൈഫിൾ ഉപയോഗിച്ച് അഞ്ചു സഹപ്രവർത്തകർക്കു നേരെ വെടിയുതിർക്കുകയായിരുന്നെന്ന് ഉദ്യോഗസ്ഥന്‍ പറഞ്ഞു. കോൺസ്റ്റബിൾ, ഹെഡ് കോൺസ്റ്റബിൾ റാങ്കിലുള്ള ഉദ്യോഗസ്ഥൻമാരാണു മരിച്ചത്. സംഭവത്തിൽ ബിഎസ്എഫ് അന്വേഷണം ആരംഭിച്ചു. വെടിവയ്പുണ്ടാകാനുള്ള കാരണമെന്തെന്നു വ്യക്തമല്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
