ചെന്നൈ: തമിഴ്നാട് മുഖ്യമന്ത്രിയായ ശേഷം വിജയ് യുടെ ഓരോ പ്രവര്ത്തനങ്ങളും കൂടുതല് ജനകീയമാകുകയാണ്. കര്ഷകര്ക്ക് ആശ്വാസമാകുന്ന നടപടികുളുടെ ഭാഗമായാണ് ഇന്ന് സേലം ജില്ലയില് മേട്ടൂര് അണക്കെട്ടിന്റെ സ്ലൂയിസ് ഗേറ്റുകള് ഉയര്ത്തി; വെള്ളം തുറന്നുവിടുന്നതിന്റെ ഭാഗമായാണ് വിജയ് എത്തിയത്. അതിനിടെ റോഡരികിലെ പാടത്ത് പണി ചെയ്തിരുന്ന വയോധികയുമായുള്ള മുഖ്യമന്ത്രിയുടെ കൂടിക്കാഴ്ച സാമൂഹിക മാധ്യമങ്ങളില് ഉള്പ്പടെ വ്യാപകമായി പ്രചരിച്ചു. കൂടിക്കാഴ്ചയ്ക്കിടെ തന്റെ വിലയേറിയ ക്രിസ്റ്റിയന് ഡിയോറിന്റെ സണ്ഗ്ലാസ് മുഖ്യമന്ത്രി അവര്ക്ക് സമ്മാനിക്കുകയും ചെയ്തു.
പരിപാടി കഴിഞ്ഞ് സേലം വിമാനത്താവളത്തിലേക്ക് മടങ്ങുന്നതിനിടെയാണ് റോഡരികിലെപാടത്തിന് സമീപത്ത് പണി ചെയ്യുന്ന തൊഴിലാളികളെ കണ്ട് അപ്രതീക്ഷിതമായി മുഖ്യമന്ത്രിയുടെ കാര് നിര്ത്തിയത്. അവരുമായി കുറച്ചുനേരം സംസാരിച്ച വിജയ് അതിനിടെ അദ്ദേഹത്തിനരികിലെത്തിയ വയോധികയോട് ക്ഷേമം അന്വേഷിക്കുകയും കൈയിലുണ്ടായിരുന്ന ഗ്ലാസ് അവര്ക്ക് സമ്മാനിക്കുകയും ചെയ്തത്.
ഭക്ഷണം കഴിച്ചിട്ടുണ്ടോയെന്ന് മുഖ്യമന്ത്രി ചോദിച്ചതായും ചെല്ലം പറഞ്ഞു. താങ്കളെ കാണാനായി കാത്തിരിക്കുകയായിരുന്നെന്ന് പറഞ്ഞതോടെ പേരും വിശേഷങ്ങളും ചോദിച്ചറിഞ്ഞതായും ചെല്ലം പറഞ്ഞു. പതിനഞ്ച് മിനിറ്റോളം മുഖ്യമന്ത്രി വിജയ് പാടത്ത് ചെലവഴിച്ചു.
പാലിന്റെ സംഭരണവില ഉയര്ത്തിയതടക്കമുള്ള കാര്യങ്ങള് മുഖ്യമന്ത്രി അവരോട് വിശദീകരിക്കുകയും ചെയ്തു. അവിടെ ഉണ്ടായിരുന്നവര്ക്ക് മുണ്ടും സാരിയും സമ്മാനിക്കുകയും ചെയ്തു. ഭക്ഷണം കഴിക്കാന് തന്നെ മുഖ്യമന്ത്രി വിളിച്ചപ്പോള് താന് കഴിച്ചെന്നും വേഗം പോയി ഭക്ഷണം കഴിക്കാന് അദ്ദേഹത്തോട് പറഞ്ഞതായും ചെല്ലം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
