ന്യൂഡല്ഹി: രാജ്യത്ത് കോവിഡ് കേസുകള് വീണ്ടും ഉയരുന്നു. കഴിഞ്ഞ 24 മണിക്കൂറിനിടെ 8,582 പേര്ക്കാണ് കോവിഡ് സ്ഥിരീകരിച്ചത്. 4 പേര് മരിച്ചു. 4,435 പേര് രോഗമുക്തി നേടി. ഇതോടെ രാജ്യത്ത് കോവിഡ് ബാധിച്ച് ചികിത്സയിലുള്ളവരുടെ എണ്ണം 44,513 ആയി
ടെസ്റ്റ് പോസിറ്റിവിറ്റി നിരക്ക് 2.71 ശതമാനമായി ഉയര്ന്നു. മാസങ്ങള്ക്ക് ശേഷമാണ് പ്രതിദിന കോവിഡ് നിരക്ക് എട്ടായിരത്തിന് മുകളിലെത്തുന്നത്. ജനുവരിക്ക് ശേഷം ഇതാദ്യമായാണ് പ്രതിദിന രോഗസ്ഥിരീകരണ നിരക്കില് വന് വര്ധനവുണ്ടാകുന്നത്.
രാജ്യത്തെ കോവിഡ് ബാധിതരില് 70 ശതമാനവും കേരളം, മഹാരാഷ്ട്ര എന്നീ സംസ്ഥാനങ്ങളില് നിന്നാണ്. ശനിയാഴ്ച മുംബൈയില് 1,745 പേര്ക്ക് കോവിഡ് സ്ഥിരീകരിച്ചതോടെ നഗരത്തില് മാത്രം രോഗികളുടെ എണ്ണം പതിനായിരം കടന്നു. ഇന്നലെ മഹാരാഷ്ട്രയില് മാത്രം 2,922 പേര്ക്കാണ് രോഗബാധ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
