മുംബൈ: ഇന്ധന വില വര്‍ധനയില്‍ പൊറുതിമുട്ടുകയാണ് ജനം. ഈ മാസം പത്ത് ദിവസത്തിനിടെ ആറ് തവണയാണ് വില വര്‍ധിപ്പിച്ചത്. രാജ്യത്തുടനീളം വിവിധ പ്രതിപക്ഷ പാര്‍ട്ടികള്‍ വലിയ പ്രതിഷേധങ്ങളും സമരങ്ങളും സംഘടിപ്പിക്കുന്നുണ്ട്.
മുംബൈയില്‍ കോണ്‍ഗ്രസ് കാള വണ്ടിയുമായി നിരത്തിലിറങ്ങിയാണ് സമരം നടത്തിയത്. ഈ സമരത്തിനിടെ എത്തിച്ച കാള വണ്ടി തകര്‍ന്നു വീണു. ഇതിന്റെ വീഡിയോ വ്യാപകമായി ഇപ്പോള്‍ പ്രചരിക്കുന്നുണ്ട്. പ്രവർത്തകർ ഗ്യാസ് കുറ്റിയും മറ്റുമായി വണ്ടിയിൽ കയറിയതോടെ ഭാരം കൂടിയാണ് അപകടമുണ്ടായത്.
കളവണ്ടി നിര്‍ത്തിയിട്ട നിലയിലായിരുന്നു. ഇതിന് മുകളില്‍ നിരവധി പ്രവര്‍ത്തകര്‍ കയറി നിന്നതോടെയാണ് വണ്ടി തകര്‍ന്നത്. ആര്‍ക്കും പരിക്കേറ്റതായി റിപ്പോര്‍ട്ടുകളില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
