ഹൈദരാബാദ്: കോണ്‍ഗ്രസ് പ്രവര്‍ത്തകസമിതിയുടെ വിശാല യോഗം ഇന്ന് ഹൈദരാബാദില്‍ നടക്കും. പ്രവര്‍ത്തക സമിതി അംഗങ്ങള്‍ക്ക് പുറമെ, പിസിസി പ്രസിഡന്റുമാര്‍, നിയമസഭകളിലെ പാര്‍ലമെന്ററി പാര്‍ട്ടി നേതാക്കള്‍, പ്രതിപക്ഷ നേതാക്കള്‍ തുടങ്ങി 147 പേര്‍ യോഗത്തില്‍ പങ്കെടുക്കും.
ലോക്‌സഭ, നിയമസഭ തെരഞ്ഞെടുപ്പ് മുന്നൊരുക്കങ്ങള്‍ വിശാല യോഗത്തില്‍ ചര്‍ച്ചയാകും. ലോക്‌സഭ തെരഞ്ഞെടുപ്പിലെ സീറ്റ് വിഭജനത്തില്‍ അടക്കം പ്രാദേശിക നേതൃത്വങ്ങളുടെ അഭിപ്രായങ്ങള്‍ തേടും. പ്രതിപക്ഷ നേതാവ് വി ഡി സതീശന്‍, കെപിസിസി പ്രസിഡന്റ് കെ സുധാകരന്‍ എന്നിവര്‍ യോഗത്തില്‍ സംബന്ധിക്കും.
ഇന്നലെയാണ് പുനഃസംഘടിപ്പിച്ച കോണ്‍ഗ്രസ് പ്രവര്‍ത്തക സമിതിയുടെ രണ്ടു ദിവസത്തെ യോഗം ആരംഭിച്ചത്. പ്രവര്‍ത്തക സമിതി യോഗത്തിന് ശേഷം തെലങ്കാന നിയമസഭ തെരഞ്ഞെടുപ്പ് പ്രചാരണത്തിനും കോണ്‍ഗ്രസ് തുടക്കമിടും. ഇതിന്റെ ഭാഗമായി വൈകീട്ട് തുക്കുഗുഡയില്‍ മെഗാ റാലിയും സംഘടിപ്പിച്ചിട്ടുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
