ബംഗളൂരു: കര്‍ണാടകയില്‍ ജയന്റ് വീലില്‍ മുടി കുരുങ്ങി 16കാരിക്ക് ഗുരുതരമായി പരിക്കേറ്റു. പെണ്‍കുട്ടിയുടെ തലയോടിന്റെ ഒരു ഭാഗം വിട്ടുവന്നു. പെണ്‍കുട്ടിയുടെ വീട്ടുകാരുടെ പരാതിയില്‍ ജയന്റ് വീല്‍ ഉടമയെ അറസ്റ്റ് ചെയ്തു.
മാണ്ഡ്യ ജില്ലയിലാണ് നാടിനെ നടുക്കിയ സംഭവം ഉണ്ടായത്. ജയന്റ് വീലില്‍ കയറിയപ്പോഴാണ് 16കാരിയായ ശ്രീവിദ്യയ്ക്ക് അപകടം സംഭവിച്ചത്. ജയന്റ് വീല്‍ റൈഡിനിടെ, കുട്ടിയുടെ മുടി അബദ്ധത്തില്‍ ജയന്റ് വീലില്‍ കുരുങ്ങുകയായിരുന്നു.
നിമിഷങ്ങള്‍ക്കം തലയുടെ ഒരു ഭാഗത്തിന്റെ പുറംതൊലി വിട്ടുവന്നു. കണ്ടുനിന്ന മാതാപിതാക്കള്‍ ഉള്‍പ്പെടെയുള്ളവര്‍ ചേര്‍ന്ന് പെണ്‍കുട്ടിയെ ഉടന്‍ തന്നെ ആശുപത്രിയില്‍ എത്തിക്കുകയായിരുന്നു. വിദഗ്ധ ചികിത്സയ്ക്കായി മൈസൂരിലെ സ്വകാര്യ ആശുപത്രിയിലേക്ക് മാറ്റി.
വിഗ്ഗ് ഊരിവരുന്നത് പോലെയാണ് പുറംതൊലി വിട്ടുവന്നതെന്ന് ദൃക്‌സാക്ഷികള്‍ പറയുന്നു. സംഭവത്തില്‍ അന്വേഷണം ആരംഭിച്ച പൊലീസ് കുട്ടിയുടെ മാതാപിതാക്കളുടെ പരാതിയില്‍ ജയന്റ് വീല്‍ ഉടമ രമേശിനെ അറസ്റ്റ് ചെയ്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
