എംഎക്കാരനാണ്, എന്തെങ്കിലുമൊരു ജോലി തരൂ...; ട്വീറ്റുമായി യുവാവ്

ലോക്ക്ഡൗണ്‍ കാലത്ത് ജോലിയില്ലാതെ കഷ്ടപ്പെടുകയാണെന്നും തൊഴില്‍ കണ്ടെത്താന്‍ സഹായിക്കണമെന്നും ആവശ്യപ്പെട്ട് ബിരുദാനന്തര ബിരുദധാരിയുടെ ട്വീറ്റ്. കോവിഡ് നിയന്ത്രണങ്ങള്‍ യോജിച്ച ജോലി കണ്ടെത്താന്‍ തടസ്സമായിരിക്കുകയാണെന്ന് സൂചിപ്പിച്ച് ഞായറാഴ്ചയാണ് വികാഷ് എന്ന യുവാവ് ട്വിറ്ററിലൂടെ സഹായം തേടിയത്. സോഷ്യോളജിയിലാണ് വികാഷ് ബിരുദാനന്തരബിരുദം നേടിയിട്ടുള്ളത്.  

'എന്തെങ്കിലും ഒരു ജോലി കണ്ടെത്താന്‍ ദയവായി എന്നെ സഹായിക്കൂ. ലോക്ഡൗണ്‍ കാലത്ത് ജീവിതം മുന്നോട്ടു കൊണ്ടു പോകുന്നത് ഏറെ പ്രയാസമാണ്. ലോക്ഡൗണ്‍ ആയതോടെ സ്വകാര്യകമ്പനിയില്‍ പോലും ഒരു ജോലി കണ്ടെത്താന്‍ സാധിച്ചില്ല. തട്ടിയും മുട്ടിയും കഴിയുന്നത് പോലും ബുദ്ധിമുട്ടാണ്. ദിവസക്കൂലിയ്ക്ക് പണിയെടുക്കാനും ഞാന്‍ തയ്യാറാണ്'. വികാഷ് ട്വിറ്ററില്‍ കുറിച്ചു.

Please help me to get any work. It's so hard to survive due to lockdown. Since lockdown, I have not been able to even get any labour work in the unorganised sector. Merely sustenance seems too hard in this time. I'm ready to work as daily wage labour also. Please amplify