ജലന്ദര്‍: കോവിഡ് നിയന്ത്രണങ്ങള്‍ പാലിക്കാതെ വിവാഹപാര്‍ട്ടി നടത്തിയ വരന്‍ അറസ്റ്റില്‍. പഞ്ചാബിലെ ജലന്ദറിലാണ് നൂറിലധികം ആളുകളെ പങ്കെടുപ്പിച്ച് പാര്‍ട്ടി അരങ്ങേറിയത്. ക്ഷേത്രത്തില്‍ വച്ചുനടന്ന റിസപ്ഷനിടെയാണ് വരനെയും പിതാവിനെയും പൊലീസ് അറസ്റ്റ് ചെയ്തത്.
കോവിഡ് വ്യാപനത്തെതുടര്‍ന്ന് സംസ്ഥാനത്ത് ഏര്‍പ്പെടുത്തിയിരുന്ന വാരാന്ത്യ കര്‍ഫ്യൂ മറികടന്ന് പരിപാടി നടത്തിയതിനാലാണ് കേസെടുത്തതെന്ന് പൊലീസ് പറഞ്ഞു. പാര്‍ട്ടി നടത്താന്‍ വരനും സംഘവും അനുവാദം വാങ്ങിയിരുന്നില്ലെന്നും പൊലീസ് കൂട്ടിച്ചേര്‍ത്തു. സംസ്ഥാനത്ത് നിലവിലെ സാഹചര്യത്തില്‍ 20ലധികം ആളുകള്‍ ഒത്തുചേരുന്നതില്‍ വിലക്കുണ്ട്.
ഐപിസി സെക്ഷന്‍ 188 പ്രകാരമാണ് ഇരുവര്‍ക്കുമെതിരെ കേസെടുത്തത്. എന്നാല്‍ പാര്‍ട്ടിയില്‍ ഇത്രയധികം ആളുകള്‍ എവിടേനിന്ന് എത്തിയെന്ന് തനിക്കറിയില്ലെന്നാണ് വരന്‍ പൊലീസിനോട് പറഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
