ന്യൂഡല്‍ഹി: ''സ്വാതന്ത്ര്യദിന ആഘോഷത്തിന്റെ പേരില്‍ എന്തിനാണ് ഇത്രയും ഒച്ചയും ബഹളവുമെന്ന സംശയം നിങ്ങള്‍ക്കുണ്ടോ? ഇവരോടു ചോദിക്കൂ, മറ്റാരേക്കാളും നന്നായി അവര്‍ പറഞ്ഞുതരും'' - ദേശീയ പതാക കെട്ടുന്ന വയോധിക ദമ്പതികളുടെ ചിത്രം പങ്കുവച്ച് വ്യവസായി ആനന്ദ് മഹീന്ദ്ര ട്വീറ്ററില്‍ കുറിച്ചതാണിത്. വീപ്പയില്‍ കയറിനിന്ന് പതാക ഉയര്‍ത്തുന്ന ദമ്പതികളുടെ ചിത്രത്തിനു വന്‍ സ്വീകരണമാണ് സാമൂഹ്യ മാധ്യമങ്ങളില്‍ ലഭിച്ചത്.
പ്രധാനമന്ത്രി നരേന്ദ്ര മോദിയുടെ ആഹ്വാനം ഏറ്റെടുത്ത് സ്വാതന്ത്ര്യദിനത്തില്‍ വീടുകളില്‍ ദേശീയപതാക ഉയര്‍ത്തിയതിന്റെ ചിത്രങ്ങള്‍ നിരവധി പേര്‍ സമൂഹമാധ്യമങ്ങളില്‍ പങ്കുവെച്ചിരുന്നു. എന്നാല്‍ ഈ ദമ്പതികളുടെ ചിത്രത്തിന് വന്‍ കൈയടിയാണ് സോഷ്യല്‍ മീഡിയ നല്‍കിയത്.
വീപ്പയ്ക്ക് മുകളില്‍ കയറിനിന്നാണ് വയോധിക പതാക കെട്ടുന്നത്. ഒപ്പമുള്ള വയോധികന്‍ താഴെനിന്ന് വീപ്പ മറിയാതെ പിടിക്കുന്നതാണ് ചിത്രത്തിലുള്ളത്. എന്നാല്‍ ചിത്രം എവിടെനിനുള്ളതാണെന്നോ ഏത് ദിവസത്തേയാണെന്നോ വ്യക്തമല്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
