ന്യൂഡല്ഹി: കൊതുക് പ്രതിരോധത്തിന് പുതിയ മാര്ഗവുമായി ഐഐടി ഡല്ഹി. തുണികള് കഴുകുന്നതിന് ഒപ്പം കൊതുക് പ്രതിരോധം എന്നതാണ് ഐഐടിയുടെ ലക്ഷ്യം. ഡിറ്റര്ജന്റില് അടങ്ങിയ രാസഘടകങ്ങള് ഉപയോഗിച്ചാണ് കൊതുക് പ്രതിരോധം സാധ്യമാക്കുന്നത്. ഡിറ്റര്ജന്റില് അടങ്ങിയ ഘടകങ്ങള് കൊതുകുകള്ക്കു ഗന്ധത്തിലൂടെയും രുചിയിലൂടെയും തിരിച്ചറിയാന് കഴിയുമെന്നും ഗവേഷകര് അവകാശപ്പെട്ടു.
ഐഐടിയിലെ ടെക്സ്റ്റൈല് ആന്ഡ് ഫൈബര് എന്ജിനീയറിങ് വിഭാഗം മേധാവി പ്രൊഫ. ജാവേദ് നബിബക്ഷ ഷെയ്ഖിന്റെ തേതൃത്വത്തിലാണ് ഡിറ്റര്ജന്റ് വികസിപ്പിക്കുന്നത്. ഡിറ്റര്ജന്റിന്റെ പരീക്ഷണം വിജയകരമാണെന്നാണ് അധികൃതര് അവകാശപ്പെടുന്നത്. ഡിറ്റര്ജന്റ് കൊണ്ട് കഴുകിയ തുണി കയ്യില് കെട്ടിയ ശേഷം കൊതുകുകളെ അടച്ചിട്ട പെട്ടിയിലേക്ക് കൈ കടത്തുന്ന 'ഹാന്ഡ്ഇന്കേജ്' രീതിയില് പരീക്ഷണം നടത്തിയത്.
ഡിറ്റര്ജന്റ് ഉപയോഗിച്ച് ഇടയ്ക്കിടെ തുണി അലക്കുന്നത് പ്രതിരോധശേഷി നിലനിര്ത്താന് സഹായിക്കും എന്നും ഗവേഷകര് അവകാശപ്പെട്ടു. ഉത്പന്നത്തിന്റെ പേറ്റന്റിനായി അപേക്ഷ നല്കിയെന്നും വാണിജ്യാടിസ്ഥാനത്തില് അത് ഉടന് പുറത്തിറങ്ങുമെന്നും ഗവേഷകര് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
