ന്യൂഡല്‍ഹി: ഇന്ത്യയും ഇസ്രായേലും സംയുക്തമായി വികസിപ്പിച്ച മധ്യദൂര ഭൂതല- വ്യോമ മിസൈല്‍ വിജയകരമായി പരീക്ഷിച്ചു. ശത്രുവിമാനങ്ങളില്‍ നിന്ന് രാജ്യത്തിന് സംരക്ഷണം നല്‍കാന്‍ ശേഷിയുള്ളതാണ് മിസൈല്‍ എന്ന് ഇസ്രായേല്‍ എയറോസ്‌പേസ് ഇന്‍ഡസ്ട്രീസ് അറിയിച്ചു.
കഴിഞ്ഞയാഴ്ച ഇന്ത്യയില്‍ വച്ചാണ് പരീക്ഷണം നടത്തിയത്. 70 കിലോമീറ്റര്‍ അകലെ വരെയുള്ള ശത്രുവിന്റെ വിമാനം തകര്‍ക്കാന്‍ ശേഷിയുള്ളതാണ് ഇന്ത്യയും ഇസ്രായേലും സംയുക്തമായി വികസിപ്പിച്ച മധ്യദൂര ഭൂതല വ്യോമ മിസൈല്‍.രാജ്യത്തെ പ്രമുഖ പ്രതിരോധ ഗവേഷണ സ്ഥാപനമായ ഡിആര്‍ഡിഒയുമായി സഹകരിച്ചാണ് ഇസ്രായേല്‍ എയറോസ്‌പേസ് ഇന്‍ഡസ്ട്രീസ് മിസൈല്‍ വികസിപ്പിച്ചത്.
റഡാര്‍ ഉള്‍പ്പെടെ അത്യാധുനിക സൗകര്യങ്ങള്‍ അടങ്ങിയതാണ് മിസൈല്‍ സംവിധാനം. കരസേനയുടെ മൂന്ന് തലങ്ങളിലും മിസൈല്‍ ഉപയോഗിക്കാനാണ് ലക്ഷ്യമിടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
