ഏഴുമാസം പ്രായമുള്ള കുട്ടിയെ തെരുവുനായ കടിച്ചുകീറി; കുടല്‍മാല പുറത്തുവന്നു; ആശുപത്രിയില്‍ ദാരുണാന്ത്യം

ലഖ്‌നൗ: തെരുവുനായയുടെ കടിയേറ്റ് ആശുപത്രിയില്‍ ചികിത്സയിലായിരുന്ന എഴുമാസം പ്രായമുള്ള കുഞ്ഞ് മരിച്ചു. ഉത്തര്‍പ്രദേശ് നോയിഡയിലെ ഹൈ-റൈസ് സൊസൈറ്റിക്ക് സമീപമാണ് സംഭവം. ഇന്നലെ വൈകീട്ടാണ് കുഞ്ഞിനെ തെരുവനായ ആക്രമിച്ചത്.

ഉടന്‍ തന്നെ  കുട്ടിയെ ആശുപത്രിയിലെ തീവ്രപരിചരണവിഭാഗത്തില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. നായയുടെ ആക്രമണത്തില്‍ കുട്ടിയുടെ കുടല്‍ മാല പുറത്തുവന്നിരുന്നു. കുട്ടിയെ ശസ്ത്രക്രിയക്ക് വിധേയമാക്കിയെങ്കിലും വിജയകരമായില്ല.

ഗുരുതരാവസ്ഥയിലായിരുന്ന കുട്ടി ഇന്ന് രാവിലെയാണ് മരിച്ചത്. സംഭവത്തിന് പിന്നാലെ രോഷാകുലരായ നാട്ടുകാര്‍ തെരുവുനായ ശല്യത്തില്‍ അടിയന്തരനടപടി വേണമെന്ന് നോയിഡ ജില്ലാഭരണകൂടത്തോട് ആവശ്യപ്പെട്ടു. പ്രദേശത്ത് സമീപകാലത്തായി തെരുവുനായ ശല്യം രൂക്ഷമാണെന്നും പ്രദേശവാസികള്‍ പറയുന്നു.

സൊസൈറ്റിയില്‍ നിര്‍മ്മാണ പ്രവര്‍ത്തനങ്ങള്‍ നടക്കുന്ന സാഹചര്യത്തിലാണ് കൂലിപ്പണിക്കാരനായ ദമ്പതികള്‍ കുഞ്ഞുമായി അവിടെയെത്തിയത്. കുട്ടിയെ ഉറക്കികിടത്തിയപ്പോഴാണ് തെരുവുനായ കടിച്ചതെന്നും മറ്റ് തൊഴിലാളികള്‍ പറഞ്ഞു. സംഭവത്തില്‍ അന്വേഷണം ആരംഭിച്ചതായി പൊലീസ് പറഞ്ഞു. 

ഈ വാര്‍ത്ത കൂടി വായിക്കൂ 

'ആന്റി, ഒന്നു നിര്‍ത്താമോ?'; യാത്രക്കാര്‍ തിങ്ങിനിറഞ്ഞ ട്രെയിനില്‍ സ്ത്രീകളുടെ കൂട്ടത്തല്ല്‌ - വിഡിയോ വൈറല്‍

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ