കാന്‍പൂര്‍: പതിനെട്ടുകാരിയെ വാനില്‍ തട്ടിക്കൊണ്ടുപോയി ആളൊഴിഞ്ഞ സ്ഥലത്തുവച്ച് ബലാത്സംഗം ചെയ്തായി പരാതി. ബലാത്സംഗത്തിന് ശേഷം യുവതിയെ ഇയാള്‍ റോഡില്‍ തള്ളുകയും ചെയ്തതായി പരാതിയില്‍ പറയുന്നു. കാന്‍പൂരിലെ ബാവാപൂര്‍വയിലാണ് സംഭവം.
പ്രതിയെ അറസ്റ്റ് ചെയ്തതായി പൊലീസ് അറിയിച്ചു. ഇയാള്‍ക്കെതിരെ തട്ടിക്കൊണ്ടുപോകല്‍, ബലാത്സംഗം ഉള്‍പ്പടെയുള്ള കുറ്റങ്ങള്‍ ചുമത്തിയാണ് അറസ്റ്റ് ചെയ്തത്. ഷോപ്പിങിന് ഇറങ്ങിയ യുവതിയെ ഇയാള്‍ പ്രലോഭിപ്പിച്ച് വാഹനത്തില്‍ കയറ്റുകയായിരുന്നു.
പിന്നീട് ആളൊഴിഞ്ഞ കുറ്റിക്കാടിന് സമീപത്തുവച്ച് പെണ്‍കുട്ടിയെ ബലാത്സംഗത്തിനിരയാക്കുകയായിരുന്നു. അതിന് പിന്നാലെ വാനില്‍ കയറ്റി റോഡില്‍ ഉപേക്ഷിക്കുകയായിരുന്നു. അതിന് പിന്നാലെ സംഭവസ്ഥലത്തുനിന്ന് പ്രതി രക്ഷപ്പെടുകയായിരുന്നെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
