ലക്‌നൗ: ഉത്തര്‍പ്രദേശില്‍ കാമുകിയെ 26കാരന്‍ വെടിവെച്ചു കൊന്നു. പിന്നാലെ ആത്മഹത്യയ്ക്ക് ശ്രമിച്ച യുവാവ് ഗുരുതരാവസ്ഥയില്‍ ആശുപത്രിയില്‍ ചികിത്സയില്‍.
ഗാസിയാബാദിലാണ് സംഭവം. 20കാരിയായ ദീപ്മാല യാദവ് ആണ് കൊല്ലപ്പെട്ടത്. 26കാരന്‍ രാഹുല്‍ ചൗധരിയാണ് ആശുപത്രിയില്‍ ചികിത്സയില്‍ കഴിയുന്നത്.
വ്യാഴാഴ്ച രാവിലെയാണ് സംഭവം. വീട്ടില്‍ നിന്ന് വെടിയൊച്ച കേട്ട് അയല്‍വാസികള്‍ ഓടിയെത്തുകയായിരുന്നു. പൊലീസ് എത്തിയാണ് ദീപ്മാലയെയും രാഹുല്‍ ചൗധരിയെയും ആശുപത്രിയില്‍ എത്തിച്ചത്. എന്നാല്‍ ദീപ്മാലയ്ക്ക് മരണം സംഭവിച്ചതായി ഡോക്ടര്‍മാര്‍ സ്ഥിരീകരിക്കുകയായിരുന്നു.
ഹനുമന്‍ ജയന്തിയോടനുബന്ധിച്ച് മറ്റു കുടുംബാംഗങ്ങള്‍ ക്ഷേത്രത്തില്‍ പോയതിനാല്‍, ദീപ്മാല വീട്ടില്‍ ഒറ്റയ്ക്കായിരുന്നു. തക്കംനോക്കി വീടിന്റെ പിന്നിലെ വാതിലിലൂടെ അകത്ത് കയറിയ രാഹുല്‍, ദീപ്മാലയ്ക്ക് നേരെ നിറയൊഴിക്കുകയായിരുന്നു. തുടര്‍ന്ന് യുവാവ് ആത്മഹത്യയ്ക്ക് ശ്രമിക്കുകയായിരുന്നുവെന്ന് പൊലീസ് പറയുന്നു.
രാഹുലിന്റെ ആരോഗ്യനില മെച്ചപ്പെട്ട ശേഷം മൊഴിയെടുത്താല്‍ മാത്രമേ കേസിനെ കുറിച്ച് കൂടുതല്‍ വ്യക്തത വരികയുള്ളൂ എന്ന് പൊലീസ് പറയുന്നു. പെണ്‍കുട്ടിയുടെ അമ്മാവന്‍, രാഹുലിന്റെ ഗ്രാമത്തിലാണ് താമസിക്കുന്നത്.അമ്മാവന്റെ വീട്ടില്‍ ദീപ്മാല ഇടയ്ക്കിടെ വരാറുണ്ടായിരുന്നു എന്ന് പൊലീസ് പറയുന്നു. ഇവിടെ വച്ചാണ് ഇരുവരും അടുപ്പത്തിലായതെന്നാണ് പൊലീസിന്റെ പ്രാഥമിക നിഗമനം. അന്വേഷണം പുരോഗമിക്കുകയാണെന്നും പൊലീസ് അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
