'മരിച്ചതായി അഭ്യൂഹം പ്രചരിപ്പിച്ചു'; 42കാരനെ കുത്തിക്കൊന്നു, സുഹൃത്ത് അറസ്റ്റില്‍

ഭുവനേശ്വര്‍: ഒഡീഷയില്‍ വ്യാജ വാര്‍ത്ത പ്രചരിപ്പിച്ചതിന് 42കാരനെ കുത്തിക്കൊന്നു. താന്‍ മരിച്ചതായി അഭ്യൂഹം പ്രചരിപ്പിച്ചതിന്റെ ദേഷ്യത്തില്‍ 42കാരനെ കൂട്ടുകാരനാണ് കൊലപ്പെടുത്തിയതെന്ന് പൊലീസ് പറയുന്നു.

റൂര്‍ക്കലയില്‍ വെള്ളിയാഴ്ച രാത്രിയാണ് സംഭവം. ബ്രോക്കറായ നിഹാര്‍ രഞ്ജന്‍ ആചാര്യയാണ് മരിച്ചത്. 44കാരനായ കേവല്‍ ആണ് പ്രതി. ഇയാള്‍ക്കൊപ്പം നിഹാര്‍ രഞ്ജനെ ആക്രമിക്കാന്‍ പ്രേരിപ്പിച്ച മറ്റൊരാളെയും പൊലീസ് അറസ്റ്റ് ചെയ്തു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

താന്‍ മരിച്ചതായി അഭ്യൂഹം പ്രചരിപ്പിച്ചതിനെ ചൊല്ലി നിഹാറുമായി കേവല്‍ വഴക്കിട്ടു. ഇതിന് പിന്നാലെയാണ് കൊലപാതകം നടന്നതെന്നും പൊലീസ് പറയുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.