ജോലി കിട്ടിയ ശേഷം കുടുംബത്തിനൊപ്പം ചെലവഴിക്കാൻ സമയമില്ല; പൊലീസുകാരിയായ ഭാര്യയെ വെടിവെച്ച് കൊന്ന് ഭർത്താവ്

പട്ന: കുടുംബത്തിനൊപ്പം സമയം ചെലവഴിക്കുന്നില്ലെന്ന് ആരോപിച്ച് പൊലീസ് ഉദ്യോ​ഗസ്ഥയായ ഭാര്യയെ വെടിവെച്ച് കൊന്ന് ഭർത്താവ്.  ബിഹാറിലെ പട്നയിൽ കഴിഞ്ഞ ദിവസമാണ് ഹോട്ടൽ മുറിയിൽ 23കാരിയായ ശോഭ കുമാരിയുടെ മൃതദേഹം വെടിയേറ്റ നിലയിൽ കണ്ടെത്തിയത്. കൊലയ്‌ക്ക് പിന്നാലെ ഒളിവിൽ പോയ ഭർത്താവ് ​ഗജേന്ദ്ര കുമാറിനെ പൊലീസ് അറസ്റ്റ് ചെയ്‌തു. 

പൊലീസ് സർവീസിൽ ജോലിക്ക് കയറിയ ശേഷം ഭാര്യ കുടുംബത്തോടൊപ്പം ചെലവഴിക്കുന്നില്ലെന്ന് ആരോപിച്ചാണ് കൊല. ഇരുവർക്കും നാല് വയസായ ഒരു മകളുണ്ട്. 2016ൽ ആയിരുന്നു ശോഭയുടെയും ​ഗജേന്ദ്ര കുമാറിന്റെയും വിവാഹം.

ശോഭയ്‌ക്ക് ജോലി കിട്ടിയ ശേഷം ദമ്പതികൾക്കിടയിൽ പ്രശ്‌നങ്ങളുണ്ടായിരുന്നു. തുടർന്ന് ഡൽഹിയിൽ പോയ ഭർത്താവ് പട്നയിൽ എത്തിയപ്പോൾ ഹോട്ടലിൽ മുറിയെടുത്ത് ഭാര്യയെ ക്ഷണിച്ചു വരുത്തുകയായിരുന്നു. മുറിയിൽ വെടിയേറ്റ നിലയിൽ ന​ഗ്നയായ നിലയിലാണ് മൃതദേഹം കണ്ടെത്തിയത്. 

ഈ വാര്‍ത്ത കൂടി വായിക്കൂ

ഗർബ നൃത്തം ചെയ്യുന്നതിനിടെ ഹൃദയാഘാതം; ​ഗുജറാത്തിൽ 24 മണിക്കൂറിനിടെ 13കാരൻ ഉൾപ്പെടെ 10 മരണം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ