സേനാ വാഹനം തലകീഴായി മറിഞ്ഞു, മൂന്നു ജവാന്മാര്‍ മരിച്ചു

ശ്രീഗംഗാനഗര്‍ (രാജസ്ഥാന്‍): സൈനിക വാഹനം മറിഞ്ഞ് മൂന്നു ജവാന്മാര്‍ മരിച്ചു. രാജസ്ഥാനിലെ ശ്രീഗംഗാനഗറില്‍ ഇന്നലെ  രാത്രിയാണ് അപകടം. അഞ്ചു പേര്‍ക്കു പരിക്കേറ്റു.

സൂരത്ഗഢിനു സമീപനം ഗോപാല്‍സറിലാണ് അപകടമുണ്ടായതെന്ന് സൈനിക വക്താവ് പറഞ്ഞു. ഇവര്‍ സഞ്ചരിച്ചിരുന്ന വാഹനം തലകീഴായി മറിയുകയായിരുന്നു. പരിക്കേറ്റവരുടെ നില ഗുരുതരമല്ല. 

അപകടത്തില്‍ മുഖ്യമന്ത്രി അശോക് ഗേലോട്ട് ദുഃഖം പ്രകടിപ്പിച്ചു.