കുരങ്ങുപനിയില്‍ ഇന്ത്യയ്ക്ക് ആശ്വാസം; അഞ്ചുവയസുകാരിക്ക് വൈറസ് ബാധയില്ല

ലക്‌നൗ: ഉത്തര്‍പ്രദേശില്‍ അഞ്ചുവയസുകാരിക്ക് കുരങ്ങുപനിയില്ലെന്ന് സ്ഥിരീകരണം. കുരങ്ങുപനിക്ക് സമാനമായ ലക്ഷണങ്ങള്‍ കണ്ടതിനെ തുടര്‍ന്ന് സാമ്പിള്‍ പരിശോധനയ്ക്ക് അയക്കുകയായിരുന്നു. കുട്ടിയുടെ പരിശോധനാഫലം നെഗറ്റീവാണെന്ന് നാഷണല്‍ വൈറോളജി ഇന്‍സ്റ്റിറ്റിയൂട്ട് അറിയിച്ചതായാണ് റിപ്പോര്‍ട്ടുകള്‍.

ഗാസിയാബാദിലെ പെണ്‍കുട്ടിക്കാണ് കുരങ്ങുപനിക്ക് സമാനമായ രോഗലക്ഷണങ്ങള്‍ കണ്ടത്. ഗാസിയാബാദ് ആരോഗ്യവിഭാഗമാണ് കുട്ടിയുടെ സാമ്പിള്‍ പരിശോധനയ്ക്ക് അയച്ചത്. പരിശോധനാഫലം നെഗറ്റീവായതോടെ, രാജ്യത്തിന് ആശ്വാസമായി. രാജ്യത്ത് കുരങ്ങുപനി പടരുമോ എന്ന ആശങ്കയ്ക്കിടെയാണ്‌ പരിശോധനാഫലം പുറത്തുവന്നത്.

ഈ വാർത്ത കൂടി വായിക്കൂ

ആ രണ്ട് മൊബൈല്‍ ഫോണുകള്‍ എവിടെ?; കാവ്യ മാധവനെ വീണ്ടും ചോദ്യം ചെയ്യും; ദിലീപിന്റെ ജാമ്യം റദ്ദാക്കണമെന്ന ഹര്‍ജി കോടതിയില്‍

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ