ചെന്നൈ: ദേശീയ പണിമുടക്ക് കേരളത്തില് പൂര്ണ്ണമാണെങ്കില് തമിഴ് നാട് സാധാരണ ദിവസം പോലെ സജീവമാണ് അതിര്ത്തി പട്ടണമായ കമ്പത്തും പരിസര മേഖലകളിലും എല്ലാ വ്യാപാര സ്ഥാപനങ്ങളും തുറന്നിട്ടുണ്ട്. തൊഴില് മേഖലയും സജീവമാണ്. പണിമുടക്കില് കിട്ടിയ അവധി ആഘോഷിയ്ക്കാന് നിരവധി മലയാളികള് ആണ് തമിഴ് നാട്ടിലേയ്ക് എത്തിയത്.
ഹര്ത്താലിലും പണിമുടക്കിലും കേരളം നിശ്ചലമാകുമ്പോള് തമിഴ് നാട്ടിലെ സ്ഥിതി വ്യത്യസ്തമാണ്. എല്ലാ ദിവസവും പോലെ സജീവമാണ് പണിമുടക്ക് ദിവസങ്ങളും തമിഴ്നാട്ടില്. ദേശീയ പണിമുടക്കെന്ന ആഹ്വാനം ഉണ്ടെങ്കിലും സ്ഥാപനങ്ങള് അടയ്ക്കുകയോ തൊഴില് തടസപെടുത്തുകയോ ഗതാഗതം നിശ്ചലമാവുകയോ ഇല്ല.
ദേശീയപണിമുടക്കില് കേരളം നിശ്ചലമായതോടെ നിരവധി ആളുകളാണ് 'അവധി' ആഘോഷിയ്ക്കാന് തമിഴ് നാട്ടില് എത്തിയത്. കമ്പത്തെ മുന്തിരിപാടത്തെ കാഴ്ചകള് ആസ്വദിയ്ക്കാനായിരുന്നു മലയാളികള് ഏറെ എത്തിയത്. മുന്തിരിപ്പാടവും സന്ദര്ശിച്ച് സമീപ മേഖലകളിലൂടെ ഒരു റോഡ് ട്രിപ്പും നടത്തി തമിഴ്നാടന് ഭക്ഷണവും ആസ്വദിചാണ് അതിര്ത്തി കടന്നെത്തിയ മലയാളികളുടെ മടക്കം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
