ന്യൂഡല്‍ഹി: ഒമൈക്രോണ്‍ ഭീതി പരത്തുന്ന സാഹചര്യത്തില്‍ കൂടുതല്‍ അന്താരാഷ്ട്ര യാത്രാ നിയന്ത്രണങ്ങള്‍ നീക്കാനുള്ള തീരുമാനം കേന്ദ്ര സര്‍ക്കാര്‍ പുനപരിശോധിക്കുന്നു. ഇന്ന് മന്‍ കി ബാത്തിലൂടെ ഓമൈക്രോണിന് എതിരെ ജാഗ്രത പാലിക്കണം എന്ന മുന്നറിയിപ്പ് പ്രധാനമന്ത്രി നല്‍കും.
ഡിസംബര്‍ 15ന് അന്താരാഷ്ട്ര വിമാന സര്‍വീസുകള്‍ പുനരാരംഭിക്കാനുള്ള തീരുമാനവും മറ്റ് ഇളവുകളും പുനപരിശോധിക്കാന്‍ പ്രധാനമന്ത്രി നിര്‍ദേശിച്ചിട്ടുണ്ട്. പ്രധാനമന്ത്രിയുടെ നേതൃത്വത്തില്‍ ശനിയാഴ്ച അടിയന്തര യോഗം ചേര്‍ന്നിരുന്നു. ആഗോള തലത്തിലുണ്ടായ കോവിഡ് വ്യാപന രീതി യോഗത്തില്‍ ഉദ്യോഗസ്ഥര്‍ വിശദീകരിച്ചു.
നിരീക്ഷണം കടുപ്പിച്ച് സംസ്ഥാനങ്ങള്‍
ഒമൈക്രോണ്‍ സ്ഥിരീകരിച്ച രാജ്യങ്ങളില്‍ നിന്ന് വരുന്നവരെ നിരീക്ഷിക്കാന്‍ സംസ്ഥാനങ്ങള്‍ക്ക് കേന്ദ്രം നിര്‍ദേശം നല്‍കിയിരുന്നു. ഇതോടെ മഹാരാഷ്ട്ര, ഡല്‍ഹി, ഗുജറാത്ത് സംസ്ഥാനങ്ങള്‍ നിയന്ത്രണങ്ങള്‍ കടുപ്പിച്ചു. മുംബൈയില്‍ സൗത്ത് ആഫ്രിക്കയില്‍ നിന്ന് എത്തുന്നവര്‍ക്ക് ക്വാറന്റൈന്‍ ഏര്‍പ്പെടുത്തിയിട്ടുണ്ട്.
ഒമൈക്രോണ്‍ വകഭേദം ഭീതിയിലാഴ്ത്തുന്ന സാഹചര്യത്തില്‍ വിദേശത്ത് നിന്ന് എത്തുന്നവര്‍ക്ക് കേരളത്തിലും നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. കേരളത്തിലേക്ക് വിദേശത്ത് നിന്ന് എത്തുന്നവര്‍ ആര്‍ടിപിസിആര്‍ പരിശോധനയും ഏഴ് ദിവസം ക്വാറന്റൈനും പാലിക്കണം എന്ന് ആരോഗ്യ മന്ത്രി വീണാ ജോര്‍ജ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
