'മോദിയുടെ കാഴ്ചപ്പാട് മുന്നോട്ടുകൊണ്ടുപോകാനുളള അവസരം'; നന്ദി അറിയിച്ച് അനില്‍ ആന്റണി

ന്യൂഡല്‍ഹി:  2047-ഓടെ ഇന്ത്യയെ വികസിത രാജ്യമാക്കി മാറ്റണമെന്ന പ്രധാനമന്ത്രിയുടെ സ്വപ്നത്തിന് വേണ്ടി പ്രവര്‍ത്തിക്കുമെന്ന് ബിജെപി ദേശീയ സെക്രട്ടറി അനില്‍ ആന്റണി. പാര്‍ട്ടി നേതൃത്വം തന്നില്‍ അര്‍പ്പിച്ച വിശ്വാസത്തില്‍ തനിക്ക് നന്ദിയുണ്ടെന്നും അദ്ദേഹം പറഞ്ഞു. കഴിഞ്ഞ ഏപ്രിലിലാണ് അനില്‍ ആന്റണി കോണ്‍ഗ്രസ് വിട്ട് ബിജെപിയില്‍ ചേര്‍ന്നത്.

പാര്‍ട്ടിയെ സംബന്ധിച്ചിടത്തോളം ഏറെ നിര്‍ണായകമാണ് 2023 എന്ന് അനില്‍ ആന്റണി പറഞ്ഞു. പാര്‍ട്ടിയുടെ വിജയം ഉറപ്പുവരുത്തുന്നതിനായി തങ്ങള്‍ കഠിനാധ്വാനം ചെയ്യുകയാണ്. കഴിഞ്ഞ ലോക്‌സഭാ തെരഞ്ഞെടുപ്പുകളിലേതിനെക്കാള്‍ വലിയ ഭൂരിപക്ഷത്തില്‍ ബിജെപിയെ അധികാരത്തിലെത്തിക്കാനുള്ള ശ്രമത്തിലാണ് ഓരോ പാര്‍ട്ടി പ്രവര്‍ത്തകനെന്നും അദ്ദേഹം പറഞ്ഞു. 

നേതൃത്വം തന്നില്‍ അര്‍പ്പിച്ച വിശ്വാസത്തില്‍ അഭിമാനമുണ്ട്. പ്രധാനമന്ത്രി നരേന്ദ്ര മോദി, അമിത് ഷാ, ജെപി നഡ്ഡ എന്നിവരോട് ഈ അവസരത്തില്‍ നന്ദി അറിയിക്കുന്നു. തന്റെ രാഷ്ട്രീയ യാത്രയില്‍ വഴികാട്ടിയായവരോടും പിന്തുണ നല്‍കിയവരോടും നന്ദിയുണ്ടെന്നും അദ്ദേഹം കൂട്ടിച്ചേര്‍ത്തു.

ഈ വാര്‍ത്ത കൂടി വായിക്കൂ പിഎസ്എൽവി സി 56 വിക്ഷേപിച്ചു; ഐഎസ്ആർഒയുടെ വാണിജ്യ ദൗത്യം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ